سماجی رابطے کی ویب سائٹ ایکس پر پوسٹ شیئر کرتے ہوئے فخر عام نے مایوسی کا اظہار کرتے ہوئے اطلاع دی کہ چور ان کے گھر کا صفایا کرگئے ہیں۔ انہوں نے اپنے پیغام میں لکھا کہ میرے کراچی میں موجود گھر کو لوٹ لیا گیا جبکہ پولیس جائے وقوع پر موجود ہے اور واقعے کی تحقیقات کر رہی ہے۔

انہوں نے کہا کہ پولیس کے مطابق فخرعالم کے گھر پر تعینات معمر چوکیدار کو کسی نامعلوم شخص نے آکر نشہ آور کھانا دیا اور کھانا کھانے کے بعد چوکیدار بے ہوش ہوگیا جس کے بعد 3 سے 4 ملزم فخرعالم کے گھرمیں داخل ہوئے اورکمروں میں موجود الماریوں اوردیگر سامان کی تلاشی لی، ملزموں نے فخر عالم کے گھر میں موجود تجوری کو بھی توڑنے کی کوشش کی۔

معروف اداکار نے مزید کہا کہ میرے لئے چیزیں اہم نہیں ہیں لیکن ذہنی سکون بے حد ضروری ہے اور اس کی کوئی قیمت نہیں ہوتی۔ انہوں نے اس صورتحال پر پریشانی کا اظہار کرتے ہوئے کہا کہ مجھے اُمید ہے کہ چور کو جلد گرفتار کرلیا جائے گا۔