انجلینا جولی کی فلم 'ماریا' کی شاندار پذیرائی

Famous Hollywood actress Angelina Jolie attends the premiere of her new film 'Maria' at the Venice Film Festival.

September, 4 2024

وینس:(ویب ڈیسک)ہالی وڈ کی معروف اداکارہ انجلینا جولی کی نئی فلم ماریا نے وینس فلم فیسٹیول میں دھوم مچا دی، جہاں اس کا پریمیئر جمعرات کے روز ہوا۔

فلم کی نمائش کے بعد انجلینا جولی کو آڈیئنس کی جانب سے آٹھ منٹ طویل اسٹینڈنگ اویشن ملا، جس کے دوران وہ جذباتی دکھائی دیں۔

فلم ماریا 20ویں صدی کی مشہور امریکی اوپیرا گلوکارہ ماریہ کیلس کی زندگی کے آخری دور پر مبنی ہے، جب وہ پیرس میں انزائٹی کی ادویات کی عادی ہو چکی تھیں۔

ماریا کیلس کا انتقال 1977 ءمیں 53 سال کی عمر میں ہوا تھا۔

فلم کی ہدایتکاری بیبلو لارین نے کی ہے اور انجلینا جولی نے ماریا کیلس کا کردار ادا کیا ہے۔

جولی کے مطابق یہ ان کے کیریئر کا سب سے مشکل اور چیلنجنگ کردار تھا، جس کے لیے انہیں اوپیرا گانے کی تربیت حاصل کرنی پڑی، جس میں سات ماہ کا وقت لگا۔

جولی نے رائٹرز سے گفتگو کرتے ہوئے کہا، "مجھے لگا تھا کہ گانے کی اداکاری کرنا آسان ہو گا، لیکن جلد ہی احساس ہوا کہ اس کردار کے لیے گلوکاری سیکھنا ضروری ہے، کیونکہ اوپیرا کی محض اداکاری نہیں کی جا سکتی۔"

فلم کے ہدایتکار کا کہنا ہے کہ فلم میں 95 فیصد ماریا کیلس کی اوریجنل ریکارڈنگز استعمال کی گئی ہیں، جبکہ ان کے زندگی کے آخری دور کی ریکارڈنگز جولی کی آواز میں ہیں۔

فلم میں ماریا کیلس کے ہاؤس کیپر کا کردار ادا کرنے والے اداکار البا رورواکر نے بتایا کہ جولی نے گلوکاری سیکھنے کے لیے بہت محنت کی اور مسلسل مشق کرتی رہیں۔

انجلینا جولی نے اپنے کیریئر میں 60 سے زائد فلموں میں کام کیا ہے اور انہیں 1999 ءکی فلم گرل انٹرپٹڈ میں بہترین معاون اداکارہ کا آسکر ایوارڈ بھی مل چکا ہے۔

ماریاکو وینس فلم فیسٹیول کے اعلیٰ ترین گولڈن لائن ایوارڈ کے لیے نامزد 21 فلموں میں شامل کیا گیا ہے۔ فیسٹیول 7 ستمبر تک جاری رہے گا۔