عالمی منڈی میں خام تیل کی قیمتوں میں اتار چڑھاؤ جاری
عالمی منڈی میں برینٹ کروڈ آئل کی قیمت میں 0.04 فیصد اضافہ ہوا، جس کے بعد برینٹ خام تیل 95.67 ڈالر فی بیرل کی سطح پر پہنچ گیا۔
معاشی ماہرین کے مطابق خطے میں جاری کشیدگی کے باعث عالمی سطح پر تیل کی سپلائی کے حوالے سے خدشات بڑھ رہے ہیں، جس کا براہِ راست اثر خام تیل کی قیمتوں پر پڑ رہا ہے۔
دوسری جانب امریکی خام تیل ویسٹ ٹیکساس انٹرمیڈیٹ کی قیمت میں بھی اضافہ دیکھا گیا۔ امریکی خام تیل کی قیمت 0.21 فیصد اضافے کے بعد 91.20 ڈالر فی بیرل کی سطح پر پہنچ گئی۔
ادھر اماراتی مربن خام تیل کی قیمت میں معمولی کمی ریکارڈ کی گئی، مربن خام تیل 0.05 ڈالر کی کمی کے بعد 106.10 ڈالر فی بیرل پر ٹریڈ کر رہا ہے۔
یہ بھی پڑھیں:آنے والے دنوں میں اچھی خبر ملے گی: وفاقی وزیر پیٹرولیم
معاشی ماہرین کا کہنا ہے کہ مشرق وسطیٰ کی صورتحال عالمی آئل مارکیٹ کیلئے انتہائی اہم ہے، خطے میں کشیدگی میں مزید اضافہ ہوا تو تیل کی پیداوار، ترسیل اور عالمی سپلائی متاثر ہونے کا خدشہ ہے، جس کے باعث آنے والے دنوں میں خام تیل کی قیمتوں میں مزید اتار چڑھاؤ دیکھنے میں آ سکتا ہے۔
