ایپل بھی پاکستان میں دفتر کھولنے کو تیار، امریکی قونصل جنرل نے بڑی خبر سنا دی
ایپل آفس/فائل فوٹو
Updated | Published August, 23 2026 |
(ویب ڈیسک)امریکی قونصل جنرل اسٹیٹسن سینڈرز نے تقریب سے خطاب کرتے ہوئے کہا کہ پاکستان میں عالمی ٹیکنالوجی کمپنی ایپل کے دفتر کے قیام کی امید پیدا ہو گئی ہے۔ مستقبل میں ایپل بھی پاکستان میں اپنا دفتر قائم کرسکتا ہے
انہوں نے کہا کہ پاکستان میں ٹیکنالوجی کا استعمال تیزی سے بڑھ رہا ہے، جس کے باعث ایپل سمیت عالمی ٹیکنالوجی کمپنیوں کے لیے ملک میں نئے مواقع پیدا ہو رہے ہیں۔
اسٹیٹسن سینڈرز نے امید ظاہر کی کہ گوگل کے بعد ایپل بھی پاکستان میں اپنا دفتر کھولے گا۔ اس پیش رفت سے پاکستان کے ٹیکنالوجی سیکٹر، سرمایہ کاری اور روزگار کے مواقع میں اضافہ ہوسکتا ہے۔
امریکی قونصل جنرل کا کہنا تھا کہ جدید ٹیکنالوجی نے دنیا بھر میں لوگوں کی زندگیوں کو تبدیل کردیا ہے اور پاکستان بھی اس تبدیلی کا اہم حصہ بنتا جا رہا ہے۔
یہ بھی پڑھیں: ہوشیار! واٹس ایپ پر فراڈ کا نیا انکشاف
امریکی قونصل جنرل نے کہا کہ انہیں امید ہے مستقبل میں ایپل پاکستان میں اپنا دفتر قائم کرے گا، جو ملک کی ڈیجیٹل معیشت کے لیے ایک اہم پیش رفت ثابت ہوسکتی ہے۔
