ڈیزل مزید مہنگا، پیٹرول کی قیمت میں 1 روپے کی معمولی کمی
ڈیزل کی قیمت میں 3 روپے 37 پیسے اضافہ جبکہ پیٹرول ایک روپے سستا ہوگیا/فائل فوٹو
Updated 12 گھنٹے قبل | Published July, 28 2026 |
اسلام آباد (ویب ڈیسک) آئل اینڈ گیس ریگولیٹری اتھارٹی نے پیٹرولیم مصنوعات کی نئی قیمتوں کا اعلان کردیا۔
وزرات پیٹرولیم کی جانب سے جاری نوٹی فکیشن کے مطابق 28 جولائی کیلیے ڈیزل کی قیمت میں 3 روپے 37 پیسے کا اضافہ کیا گیا ہے۔ جس کے بعد ڈیزل کی فی لیٹر قیمت 383 روپے 46 پیسے سے بڑھ کر 386 روپے 83 پیسے پر پہنچ گئی۔
نوٹی فکیشن کے مطابق پیٹرول کی قیمت میں 1 روپے کی کمی کی گئی ہے جس کے بعد قیمت 335 روپے 18 پیسے سے کم ہوکر 334 روپے 18 پیسے پر پہنچ گئی۔
یہ بھی پڑھیں: عالمی مارکیٹ میں خام تیل کی قیمتیں مزید کم ہوگئیں
اوگرا کے مطابق نئی قیمتوں کا اطلاق رات 12 بجے سے 28 جولائی کیلیے ہوگا۔
