پیٹرولیم مصنوعات کی قیمتوں میں مسلسل کمی جاری
رپورٹس کے مطابق برینٹ کروڈ آئل کے ماہانہ فیوچرز 1.22 ڈالر (1.65 فیصد) کمی کے ساتھ 72.52 ڈالر فی بیرل پر آ گئے جبکہ امریکی ویسٹ ٹیکساس انٹرمیڈیٹ (WTI) 1.02 ڈالر (1.45 فیصد) کمی کے بعد 69.32 ڈالر فی بیرل پر ٹریڈ کر رہا ہے،امارتی مربن آئل کی قیمت 66.45 ڈالر فی بیرل ہوگئی۔
اگست کے برینٹ معاہدے کی قیمت ستمبر کے معاہدے سے کم ہونے سے یہ اشارہ ملتا ہے کہ قلیل مدت میں تیل کی فراہمی وافر مقدار میں دستیاب ہے۔
مالیاتی ادارے آئی جی (IG) کے تجزیہ کار ٹونی سائکامور کے مطابق مشرقِ وسطیٰ سے تیل کی سپلائی کی تیز رفتار بحالی نے مارکیٹ کو حیران کر دیا ہے، کیونکہ سرمایہ کار توقع سے کہیں زیادہ جلد معمولات کی واپسی کو قیمتوں میں شامل کر رہے ہیں،بدھ کے روز بھی برینٹ اور ڈبلیو ٹی آئی دونوں کی قیمتوں میں تقریباً 3 ڈالر فی بیرل کمی ریکارڈ کی گئی تھی۔
واضح رہے کہ امریکہ، اسرائیل اور ایران کے درمیان گزشتہ ہفتے ہونے والے ابتدائی معاہدے کے بعد آبنائے ہرمز میں بحری ٹریفک دوبارہ شروع ہو گئی ہے، معاہدے کے تحت آئندہ 60 روز تک ایران کے جوہری پروگرام سمیت دیگر اہم معاملات پر مذاکرات جاری رہیں گے۔
یہ بھی پڑھیں:رواں سال ایک ہزار عمرہ زائرین شاہی مہمان بنیں گے
دوسری جانب عمان نے آبنائے ہرمز سے آئل ٹینکروں کی روانگی آسان بنانے کیلئے عارضی بحری راستے کھول دیے ہیں، جبکہ بین الاقوامی میری ٹائم آرگنائزیشن اور عمانی حکام بحری نقل و حرکت کو مربوط بنانے میں مصروف ہیں۔
