عالمی و ملکی صرافہ مارکیٹوں میں سونے کی قیمت میں بڑی کمی
آل پاکستان جیمز اینڈ جیولرز ایسوسی ایشن کے مطابق ملکی صرافہ بازاروں میں 24 قیراط کا حامل فی تولہ سونا 10 ہزار 400 روپے سستا ہو گیا، ملکی صرافہ مارکیٹوں میں فی تولہ سونے کی قیمت 4 لاکھ 32 ہزار 236 روپے پر آ گئی۔
جیولرز ایسوسی ایشن کی جانب سے بتایا گیا کہ ملکی صرافہ بازاروں میں 24 قیراط کے حامل 10 گرام سونے کی قیمت میں بھی 9 ہزار 360 روپے کی کمی دیکھنے میں آئی ہے، 10 گرام سونے کی قیمت 3 لاکھ 68 ہزار 985 روپے رہ گئی ہے۔
دوسری جانب عالمی صرافہ بازاروں میں بھی فی اونس سونے کے بھاؤ گر گئے، بین الاقوامی صرافہ مارکیٹوں میں فی اونس سونے کی قیمت میں 104 ڈالر کی کمی دیکھنے میں آئی جس کے بعد عالمی صرافہ منڈی میں فی اونس سونے کا بھاؤ 4 ہزار 98 ڈالر فی اونس رہ گیا۔
یہ بھی پڑھیں: کِیا کا مشہور ویریئنٹ "سپورٹیج" کی قیمت میں لاکھوں روپے کمی کا اعلان
علاوہ ازیں مقامی سطح پر آج فی تولہ چاندی کی قیمت میں بھی 487 روپے فی تولہ کی کمی دیکھنے میں آئی ہے جس کے بعد ملکی سطح پر فی تولہ چاندی کی کمی 6 ہزار 664 روپے کی سطح پر آگئی جبکہ 10 گرام چاندی کی قیمت بھی 438 روپے کی کمی کے بعد 5 ہزار 641 روپے ہو گئی ہے۔
