کِیا کا مشہور ویریئنٹ "سپورٹیج" کی قیمت میں لاکھوں روپے کمی کا اعلان
کِیا پاکستان کی جانب سے جاری نوٹیفکیشن کے مطابق سپورٹیج لائن اپ کے بیس ویریئنٹ، کِیا سپورٹیج ایل الفا، کی قیمت میں 10 لاکھ روپے کی بڑی کمی کر دی گئی ہے۔
کمپنی کی جانب سے جاری کردہ نوٹیفکیشن میں بتایا گیا ہے کہ کِیا سپورٹیج ایل الفا کا پرانی ایکس فیکٹری ریٹ 88 لاکھ 99 ہزار روپے تھا جو اب کمی کے بعد 78 لاکھ 99 ہزار روپے پر آ گیا ہے۔
خیال رہے کہ کِیا سپورٹیج ایل الفا کا شمار 2 ہزار سی سی نان ہائبرڈ گاڑیوں میں ہوتا ہے اور یہ پیٹرول انجن سے لیس ہے ، اسے پاکستان میں اسپورٹیج سیریز کا انٹری لیول ویریئنٹ تصور کیا جاتا ہے۔
یہ بھی پڑھیں:ٹویوٹا موٹرز کا فارچونر کی قیمتوں میں لاکھوں روپے کمی کا اعلان
کمپنی کی جانب سے بتایا گیا ہے کہ اس ویریئنٹ کی نئی ایکس فیکٹری قیمت کا اطلاق 22 جون 2026 یا اس کے بعد انوائس ہونے والے تمام آرڈرز پر ہو گا تاہم اگر حکومت کی جانب سے کوئی بھی نیا ٹیکس، ڈیوٹی یا دیگر چارجز شامل کیے جاتے ہیں تو یہ واجبات ادا کرنا صارفین کی ذمہ داری ہو گی۔
نوٹیفکیشن میں کہا گیا ہے کہ ایکس فیکٹری ریٹ میں فریٹ اور انشورنس چارجز کو شامل نہیں کیا گیا جبکہ نئی قیمت سے نقد اور فنانسنگ دونوں طریقوں سے خریداری کرنے والے صارفین مستفید ہو سکیں گے۔
