ٹویوٹا موٹرز کا فارچونر کی قیمتوں میں لاکھوں روپے کمی کا اعلان

کمپنی کی جانب سے اس اقدام کو 35ویں سالگرہ کی اسپیشل آفر کے قرار دیا جا رہا ہے، تاہم آٹو انڈسٹری کے ماہرین کا کہنا ہے کہ کسی پریمیم گاڑی میں اتنی بڑی کمی غیر معمولی ہے اور اس کے پیچھے مارکیٹ کی تبدیل ہوتی صورتحال کارفرما ہو سکتی ہے۔

فار چونر کے"جی" پٹرول ویریئنٹ کی قیمت میں کمپنی کی جانب سے 25 لاکھ 4 ہزار روپے کی کمی کا اعلان کیا گیا ہے جس کے بعد گاڑی کی قیمت ایک کروڑ 49 لاکھ 39 ہزار روپے سے کم ہو کر ایک کروڑ 24 لاکھ 35 ہزار روپے پر آ گئی ہے۔

یہ بھی پڑھیں: آسان ماہانہ اقساط پر سوزوکی گاڑی حاصل کرنے کا سنہری موقع

اسی طرح فارچونر کے "وی" پٹرول ویریئنٹ کی قیمت 25 لاکھ 74 ہزار روپے کی کمی کے بعد ایک کروڑ 49 لاکھ 35 ہزار روپے مقرر کی گئی ہے جبکہ اس سے قبل یہ گاڑی ایک کروڑ 75 لاکھ 9 ہزار روپے میں بیچی جارہی تھی۔

ماہرین کا کہنا ہے کہ کسی پریمیم ایس یو وی کی قیمت میں اتنی بڑی کمی اس بات کی کی جانب اشارہ کرتی ہے کہ طلب میں کمی، بڑھتی مہنگائی اور صارفین کی خریداری کی قوت میں کمی جیسے عوامل مارکیٹ پر اثر انداز ہو رہے ہیں۔