اس سکیم کے تحت صارفین سوزوکی کی مسافر اور کمرشل گاڑیوں کے لیے مالی معاونت حاصل کر سکیں گے جس کے لیے منظم قرض کی شرائط اور ضوابط لاگو ہوں گے۔

فنانسنگ کی شرائط اور اخراجات:

اس پروگرام کے تحت مارک اپ ریٹ ایک سالہ KIBOR کے ساتھ 3 فیصد جبکہ انشورنس کی قیمت 1.50 فیصد مقرر کی گئی ہے۔

ایم سی بی کار فور یو فنانسنگ کے تحت اہل صارفین کو ذاتی گاڑی کے لیے تین سال تک کی آسان ماہانہ اقساط کی سہولت فراہم کرے گا جس کے تحت ذاتی گاڑی کے حصول کیلئے فنانس کی حد 30 لاکھ روپے مقرر کی گئی ہے جبکہ بڑے بیڑے کی خریداری کے لیے ایم سی بی فلیٹ فاریو فنانسنگ کی حد 3 کروڑ روپے رکھی گئی ہے۔

ترجیحی ڈیلیوری اور مدت:

اس فنانسنگ آپشن میں پروگرام کے تحت سوزوکی گاڑیاں خریدنے والے صارفین کے لیے ترجیحی ڈیلیوری کی سہولت بھی شامل ہے۔

یہ بھی پڑھیں: سوزوکی نے پاکستان میں نئی گاڑی فرونکس متعارف کرا دی

ایم سی بی بینک کے مطابق اپنی گاڑی لینے کے خواہشمند افراد اس آفر سے 31 مارچ 2026 تک مستفید ہو سکیں گے تاہم یہ آفر حاصل کرنے کے لیے بینک کی معیاری شرائط و ضوابط لاگو ہوں گے۔