1500 روپے مالیت کے پرائز بانڈ کے فاتحین کی مکمل لسٹ جاری
گزشتہ دنوں نیشنل سیونگز سینٹر سیالکوٹ میں 1500 روپے مالیت کے قومی انعامی بانڈ کی قرعہ اندازی نمبر 106 کا انعقاد کیا گیا تھا جس میں انعام جیتنے والے خوش نصیبوں کے ناموں کا اعلان کیا گیا تھا۔
ڈیڑھ ہزار مالیت کے پرائز بانڈ کے پہلے انعام کی رقم 30 لاکھ روپے ہے جبکہ دوسرے انعام کے فاتحین کو 10 لاکھ روپے ملتے ہیں جبکہ تیسرے انعامات جیتنے والے ایک ہزار 696 افراد کو 18 ہزار 500 روپے کی انعامی رقم ملتی ہے۔
1500 روپے مالیت کے پرائز بانڈ کی 106ویں قرعہ اندازی میں پرائز بانڈ نمبر 024132 نے 30 لاکھ روپے کا پہلا انعام جیتا، دوسرا انعام تین مختلف خوش نصیب نمبروں 026284، 355420 اور 407321 میں سے ہر ایک نے 10 لاکھ روپے کا دوسرا انعام اپنے نام کیا۔
مرکزی بینک کے مطابق انعام جیتنے والے افراد اصل پرائز بانڈ اور قومی شناختی کارڈ کے ہمراہ اپنے انعام کا دعویٰ اسٹیٹ بینک آف پاکستان کے بی ایس سی فیلڈ دفاتر، نامزد کمرشل بینکوں یا نیشنل سیونگز سینٹرز سے کر سکتے ہیں۔
یہ بھی پڑھیں: سو روپے مالیت کے پرائز بانڈ کی قرعہ انداز کی تاریخ کا اعلان
خیال رہے کہ پرائز بانڈز کو پاکستان میں محفوظ سرمایہ کاری کا ذریعہ تصور کیا جاتا ہے کیونکہ سرمایہ دارکو اصل رقم کا نقصان نہیں ہوتا جبکہ سال بھر ہونے والی قرعہ اندازی میں انعام جیتنے کا موقع میسر آتا ہے۔
ہر پاکستانی اپنی شناختی کارڈ کی کاپی کے ساتھ کسی بھی آفس، ڈیزائن شدہ کمرشل بینک یا نیشنل سیونگز سینٹر سے پرائز بانڈ حاصل کر سکتا ہے۔
