سونے کی قیمت میں بڑی کمی،فی تولہ کتنے کا ہوگیا؟
تفصیلات کے مطابق عالمی بازار میں سونا 68 ڈالر کمی کے بعد 4480 ڈالر فی اونس پر آ گیا ہے، جس کے بعد مقامی صرافہ مارکیٹ میں بھی قیمتوں میں واضح کمی دیکھی گئی۔
جاری کردہ اعداد و شمار کے مطابق فی تولہ سونا 6800 روپے سستا ہو کر 4 لاکھ 70 ہزار 362 روپے کی سطح پر پہنچ گیا ہے۔
اسی طرح 10 گرام سونے کی قیمت میں بھی نمایاں کمی ریکارڈ کی گئی، جو 5830 روپے کم ہونے کے بعد 4 لاکھ 3 ہزار 259 روپے پر آ گئی ہے۔
معاشی ماہرین کا کہنا ہے کہ عالمی سطح پر طلب میں کمی اور مارکیٹ میں غیر یقینی صورتحال کے باعث سونے کی قیمتوں میں اتار چڑھاؤ جاری ہے۔
دوسری جانب چاندی کی قیمت میں بھی کمی دیکھنے میں آئی ہے، فی تولہ چاندی 125 روپے سستی ہو کر 7974 روپے کی سطح پر آ گئی ہے، جس سے عام خریداروں کو معمولی ریلیف ملا ہے۔
یہ بھی پڑھیں:گھی اور کوکنگ آئل بھی مہنگا، شہری پریشان
یاد رہے کہ گزشتہ روز عالمی مارکیٹ میں سونا 4548 ڈالر فی اونس پر مستحکم رہا تھا، جبکہ مقامی صرافہ مارکیٹ میں فی تولہ سونا 4 لاکھ 77 ہزار 162 روپے پر برقرار تھا، اسی طرح 10 گرام سونا بھی 4 لاکھ 9 ہزار 89 روپے پر مستحکم تھا۔
