جاری کردہ اعداد و شمار کے مطابق 100 انڈیکس میں 2 ہزار سے زائد پوائنٹس کے اضافے کے بعد یہ ایک لاکھ 51 ہزار پوائنٹس کی سطح پر پہنچ گیا، جو گزشتہ روز کی مندی کے بعد ایک مضبوط بحالی کی نشاندہی کرتا ہے۔
گزشتہ روز پاکستان سٹاک ایکسچینج میں 100 انڈیکس میں 4 ہزار 687 پوائنٹس کی کمی دیکھی گئی تھی اور انڈیکس 1 لاکھ 49 ہزار 178 پوائنٹس پر بند ہوا تھا، جس کے باعث سرمایہ کاروں میں تشویش پائی گئی تھی، تاہم آج کے مثبت رحجان نے مارکیٹ میں اعتماد بحال کر دیا ہے۔
تجزیہ کاروں کا کہنا ہے کہ انڈیکس میں یہ اچانک اضافہ مختلف شعبوں میں سرمایہ کاری میں اضافہ اور مارکیٹ کیلئے مثبت اقتصادی اشاروں کی وجہ سے ہوا ہے۔ انہوں نے یہ بھی بتایا کہ تیزی کے ساتھ مارکیٹ میں سرگرمی بڑھ رہی ہے اور سرمایہ کاروں کی دلچسپی میں اضافہ ہو رہا ہے۔
ماہرین نے سرمایہ کاروں کو مشورہ دیا ہے کہ مارکیٹ کے اتار چڑھاؤ کے دوران محتاط رہیں اور طویل مدتی سرمایہ کاری پر توجہ مرکوز کریں تاکہ بہتر منافع حاصل کیا جا سکے۔
یہ بھی پڑھیں:پیٹرول کے بعد ایل پی جی بھی مہنگی
اس مثبت رحجان سے ظاہر ہوتا ہے کہ پاکستان سٹاک ایکسچینج میں سرمایہ کاری کے مواقع ابھی برقرار ہیں اور مارکیٹ مستقبل قریب میں مزید بہتر ہو سکتی ہے۔ سرمایہ کاروں کیلئے یہ ایک حوصلہ افزا خبر ہے جو مارکیٹ کے اعتماد میں اضافے کا سبب بن رہی ہے۔
