عالمی میڈیا رپورٹس کے مطابق حملے کے بعد تیل کی سپلائی سے متعلق خدشات بڑھ گئے ہیں جس کے باعث عالمی مارکیٹ میں خام تیل کی قیمتوں میں تقریباً 8 فیصد اضافہ ریکارڈ کیا گیا۔
اس اضافے کے بعد برینٹ کروڈ آئل کی فی بیرل قیمت دوبارہ100 ڈالر کے قریب پہنچ گئی ہے۔ اسی طرح امریکی ڈبلیو ٹی آئی کروڈ آئل کی قیمت میں بھی 7.5 فیصد اضافہ ہوا ہے جس کے بعد اس کی فی بیرل قیمت93 ڈالر 80 سینٹ ہو گئی۔
دوسری جانب عالمی سطح پر قیمتوں کو کنٹرول کرنے کے لیے انٹرنیشنل انرجی ایجنسی کی جانب سے 40 کروڑ بیرل تیل مارکیٹ میں لانے کے اعلان کا بھی فوری طور پر کوئی خاص اثر نظر نہیں آیا۔
یہ بھی پڑھیں: عید سے قبل مرغی کی قیمتوں کو پر لگ گئے
یاد رہے کہ 32 رکنی عالمی تنظیم نے اپنے اسٹریٹیجک ذخائر سے تیل مارکیٹ میں جاری کرنے کا اعلان کیا تھا تاکہ سپلائی میں اضافہ ہو اور قیمتوں کو مستحکم کیا جا سکے۔
اس کے علاوہ امریکہ نے بھی اعلان کیا ہے کہ وہ آئندہ ہفتے اپنے ذخائر میں سے17 کروڑ 20 لاکھ بیرل تیل مارکیٹ میں جاری کرے گا تاکہ عالمی منڈی میں تیل کی قیمتوں میں توازن پیدا کیا جا سکے۔
