نیپرا نوٹیفکیشن کے مطابق نئی نیٹ میٹرنگ ریگولیشنز کا اطلاق بائیوگیس صارفین پر بھی ہو گا ، نئی ریگولیشنز کے تحت نیٹ بلنگ کا نظام متعارف کروا دیا گیا ہے، بلنگ سائیکل کے اختتام پر بلنگ نظام کے تحت بل جاری ہو گا۔
نوٹیفکیشن میں کہا گیا ہے کہ نیٹ میٹرنگ صارفین سے نیشنل ایوریج انرجی پرائس کے مطابق بجلی خریدی جائے گی ، نیٹ میٹرنگ صارفین کوموجودہ رائج ٹیرف کے حساب سے بجلی فراہم کی جائے گی، نیشنل گرڈ کو اضافی بجلی کی فراہمی پر صارفین کو سہ ماہی بنیادوں پرادائیگی کی جائے گی۔
نیپرا نوٹیفکیشن کے مطابق نیٹ میٹرنگ کے لیے معاہدے کی مدت پانچ سال تک محدود کر دی گئی ہے، معاہدہ ختم ہونے کے بعد مزید پانچ سال کی تجدید کی جائے گی ، نئی ریگولیشنز کے بعد نیٹ میٹرنگ ریگولیشنز 2015 معطل ہو جائیں گی۔
یہ بھی پڑھیں: لیسکو کے نیٹ میٹرنگ صارفین کیلئے ایکسپورٹ ریٹ میں کمی
نئی پالیسی کے تحت ڈسکوز صارفین دو طرفہ میٹر یا علیحدہ میٹر لگوانے کے پابند ہوں گے، ایک کلوواٹ سے ایک میگا واٹ تک بجلی پیدا کرنے کی اجازت ہو گی جبکہ 250 کلوواٹ یا زائد نظام کے لیے لوڈ فلو سٹڈی لازم قرار دی گئی۔
ڈسکوز کو غیرقانونی توسیع روکنے کے لیے مانیٹرنگ کا اختیار ہوگا، معاہدے کی خلاف ورزی پر کنکشن منقطع کیا جا سکے گا، حفاظتی آلات اور بین الاقوامی معیار پر پورا اترنا لازم قراردیا گیا ہے جب کہ نئے ریگولیشنز فوری طور پر نافذ العمل ہوں گے۔
