بجلی تقسیم کار کمپنیو کی جانب سے نیپرا میں جمع کرائی گئی درخواست میں کہا گیا ہے کہ بجلی صارفین سے 10 ارب 83 کروڑ روپے کی وصولی کے لیے اجازت دی جائے، درخواست رواں مالی سال کی دوسری سہ ماہی ایڈجسٹمنٹ کی مد میں جمع کرائی گئی ہے، فی یونٹ ایڈجسٹمنٹ کتنی بنے گی، اس کا فیصلہ نیپرا اتھارٹی کرے گی۔

علاوہ ازیں نیپرا میں کپیسٹی چارجزکی مد میں 24 ارب 25 کروڑ روپےوصولی کی درخواست بھی جمع کرائی گئی ہے جس میں آپریشنزاینڈ مینٹی ننس کی مد میں ایک ارب 65 کروڑ 50 لاکھ روپے کمی کی اطلاع دی گئی ہے۔

یہ بھی پڑھیں: بجلی صارفین کو ایک اور جھٹکا دینے کی تیاری

ذرائع کا بتانا ہے کہ اکتوبر تا دسمبر 2025 کی سہ ماہی ایڈجسٹمنٹ کا اطلاق ملک بھر کے صارفین کے ساتھ ساتھ کے الیکٹرک پر بھی ہو گا، نیپرا حکام اس درخواست پر 17 فروری کو سماعت کریں گے۔

یاد رہے کہ گزشتہ دنوں بھی نیشنل الیکٹرک پاور ریگولیٹری اتھارٹی (نیپرا) میں بجلی کی قیمتوں میں اضافے سے متعلق درخواست پر سماعت مکمل ہوئی تھی جس کا فیصلہ آنا ابھی باقی ہے، سینٹرل پاور پرچیزنگ ایجنسی (سی پی پی اے ) نے فیول پرائس ایڈجسٹمنٹ کی مد میں بجلی کی قیمتوں میں اضافے کی درخواست کی تھی جس پر نیپرا نے فیصلہ محفوظ کیا تھا۔