عالمی مارکیٹ میں سونا 215 ڈالر سستا ہو کر 4676 ڈالر فی اونس پر آ گیا، جس کے اثرات مقامی صرافہ مارکیٹ پر بھی واضح ہوئے۔

صرافہ بازار میں ایک تولہ سونا 21 ہزار 500 روپے سستا ہو کر 4 لاکھ 90 ہزار 362 روپے پر آ گیا ہے۔ 10 گرام سونا بھی 18 ہزار 433 روپے کی کمی کے بعد 4 لاکھ 20 ہزار 406 روپے ہو گیا ہے۔

دوسری طرف چاندی کی قیمت میں بھی کمی ہوئی، ایک تولہ چاندی 601 روپے کی کمی کے بعد 8405 روپے پر پہنچ گئی ہے۔

معاشی ماہرین کے مطابق عالمی مارکیٹ میں سونے کی قیمت میں اتار چڑھاؤ بین الاقوامی مالیاتی حالات، ڈالر کی قیمت اور سرمایہ کاری کے رجحانات پر منحصر ہوتا ہے۔

صرافہ مارکیٹ میں سونے اور چاندی کی قیمتوں میں کمی سے صارفین کیلئے سونا خریدنا نسبتاً آسان ہو گیا ہے، تاہم سرمایہ کار اب بھی محتاط رویہ اختیار کر رہے ہیں اور مستقبل میں قیمتوں کے اتار چڑھاؤ پر نظر رکھے ہوئے ہیں۔

یہ بھی پڑھیں:پاکستان اسٹاک ایکسچینج میں اتار چڑھاؤ

ماہرین کا کہنا ہے کہ آئندہ دنوں میں عالمی مارکیٹ میں ڈالر کی قیمت اور اسٹاک مارکیٹ کے حالات سونے اور چاندی کی قیمتوں پر اثر ڈال سکتے ہیں، اس لیے سرمایہ کاروں اور صارفین کو مشورہ دیا جا رہا ہے کہ وہ خریداری سے پہلے مارکیٹ کی موجودہ صورتحال کا بغور جائزہ لیں۔