کاروبار کے آغاز پر مارکیٹ میں ہلکی فروخت کا دباؤ دیکھا گیا جس کے باعث 100 انڈیکس 36 پوائنٹس کی کمی کے بعد ایک لاکھ 84 ہزار 138 پوائنٹس کی سطح پر آ گیا۔

ٹریڈنگ کے دوران انڈیکس میں اتار چڑھاؤ جاری رہا، ایک موقع پر 100 انڈیکس بڑھ کر ایک لاکھ 84 ہزار 789 پوائنٹس کی بلند سطح تک بھی پہنچا، تاہم بعد ازاں فروخت کے دباؤ کے باعث انڈیکس دوبارہ نیچے آ گیا اور کاروبار کے دوران 1 لاکھ 83 ہزار 650 پوائنٹس کی کم ترین سطح بھی ریکارڈ کی گئی۔

معاشی ماہرین کے مطابق مارکیٹ میں ملا جلا رجحان عالمی مالیاتی حالات، آئندہ معاشی پالیسیوں سے متعلق غیر یقینی صورتحال اور سرمایہ کاروں کی جانب سے منافع سمیٹنے کے رجحان کا نتیجہ ہے۔ بعض شعبوں میں خریداری دیکھی گئی جبکہ بینکنگ، سیمنٹ اور توانائی کے شعبوں میں محدود دباؤ رہا۔

یاد رہے کہ گزشتہ کاروباری ہفتے کے آخری روز پاکستان اسٹاک ایکسچینج کا 100 انڈیکس ایک لاکھ 84 ہزار 174 پوائنٹس پر بند ہوا تھا، جس کے بعد آج کے سیشن میں معمولی کمی دیکھنے میں آئی۔

یہ بھی پڑھیں:سونے کی قیمتوں میں ایک مرتبہ پھر نمایاں کمی

مارکیٹ تجزیہ کاروں کا کہنا ہے کہ آئندہ دنوں میں معاشی اشاریوں، مہنگائی کے اعداد و شمار اور حکومتی فیصلوں کے مطابق مارکیٹ کی سمت کا تعین ہوگا۔

سرمایہ کاروں کو مشورہ دیا جا رہا ہے کہ وہ قلیل مدتی اتار چڑھاؤ کے بجائے طویل مدتی حکمت عملی اپنائیں اور مستند معلومات کی بنیاد پر فیصلے کریں، کیونکہ موجودہ حالات میں مارکیٹ میں تیزی اور مندی دونوں کے امکانات موجود ہیں۔