یہ اسکوٹر آمد و رفت کیلئے جدید سہولتیں فراہم کرتا ہے اور ماحول دوست ٹیکنالوجی کے حامل جدید بیٹری سسٹم سے لیس ہے۔

ایوی جین-زی اسکوٹر میں 1000 واٹ کا موٹر دیا گیا ہے، جس کی کمپنی دو سال کی وارنٹی فراہم کر رہی ہے۔ اس اسکوٹر میں 76.8V اور 27Ah کی لیتھیم آئرن فاسفیٹ بیٹری استعمال کی گئی ہے، جس پر 36 ماہ کی وارنٹی بھی فراہم کی گئی ہے۔

ایک چارج میں یہ اسکوٹر 70 سے 80 کلومیٹر کا فاصلہ طے کر سکتا ہے، جبکہ زیادہ سے زیادہ رفتار 50 کلومیٹر فی گھنٹہ ہے، جو شہر کے روزمرہ سفر کیلئے کافی ہے۔

ڈیزائن کے لحاظ سے جین-زی اسکوٹر میں ایلومینیم رِمز اور فرنٹ ڈسک بریکس شامل ہیں، جو سواری کو محفوظ اور آرام دہ بناتے ہیں۔ اضافی سہولتوں میں ریورس گئر، کروز کنٹرول اور سائیڈ اسٹینڈ سینسر شامل ہیں۔

یہ بھی پڑھیں:پاکستان اسٹاک مارکیٹ میں زبردست تیزی

 کمپنی کی جانب سے اس اسکوٹر کی قیمت 215,000 روپے رکھی گئی ہے، جو درمیانے درجے کے شہری صارفین کیلئے موزوں اور معقول انتخاب ثابت ہو سکتی ہے۔

واضح رہے کہ پاکستان میں الیکٹرک اسکوٹرز کی مانگ تیزی سے بڑھ رہی ہے، جس کی وجہ بڑھتی ہوئی ایندھن کی قیمتیں، کم دیکھ بھال کے اخراجات اور مقامی و بین الاقوامی برانڈز کا داخلہ ہے۔

ایوی کے مطابق جین-زی ماڈل شہر کیلئے ڈیزائن کیا گیا ہے، جو نہ صرف ماحول دوست ہے بلکہ صارفین کو جدید سہولتیں اور محفوظ سواری بھی فراہم کرتا ہے۔