نجی ٹی وی کی رپورٹ کے مطابق کم سے کم ای اسٹامپ پیپر کی فیس 100 روپے سے بڑھا کر 300 روپے کر دی گئی، طلاق اسٹامپ پیپرکی فیس 100 روپے سے بڑھا کر ایک ہزار روپے کی گئی ہے جبکہ بچوں کے نئے اسکولز میں داخلوں اور نوکری کیلئے ڈومیسائل اسٹامپ پیپر فیس بھی 100 روپے سے بڑھا کر 500 روپے کر دی گئی ۔
اسی طرح بجلی، سوئی گیس اورپانی کے نئے کنکشن کی اسٹامپ فیس بھی اب 100روپے کی بجائے ایک ہزار روپے ہو گی، پراپرٹی سیلز ایگریمنٹ ای اسٹامپ پیپر کی فیس 1200 روپے سے بڑھا کر 3ہزار روپے کردی گئی ہے۔
پراپرٹی کے علاوہ کسی بھی معاہدے کے لئے استعمال ہونے والے ای اسٹامپ پیپرکی فیس 100 روپے سے بڑھا کر 500 روپے کردی گئی ہے۔
یہ بھی پڑھیں: دودھ فروشوں نے سرکاری نرخ نامے ہوا میں اڑا دیے
رپورٹ کے مطابق 5 لاکھ روپے تک معاہدے کے لئے ای اسٹامپ پیپرکی فیس 1200 روپے سے بڑھا کر 3 ہزار روپے جبکہ 5 لاکھ روپے سے 10 لاکھ روپے تک معاہدے کی فیس میں 6 ہزار روپے کا اسٹامپ پیپر ہو گیا۔
اسی طرح ڈیڑھ کروڑ روپے سے زائد مالیت کیلئے استعمال ہونے والے اسٹامپ پیپرکی فیس میں 20 ہزار روپے اضافہ کیا گیا ہے۔
پاور آف اٹارنی کے ای اسٹامپ پیپر فیس 1500 سے 1800 روپے کردی گئی، اسٹامپ پیرکے لئے سائل کے نام پر موبائل فون کی سم بھی لازمی قرار دی گئی ہے۔
