میڈیا رپورٹس کے مطابق فلور ملز مالکان کا کہنا ہے کہ صوبائی حکومت کی جانب سے دیا جانے والا سستے آٹے کا یہ فارمولا نا قابل عمل ہے، اس سے فلور مل انڈسٹری تباہی کے دہانے پر جائے گی، ہم عوام کو دھوکا نہیں دینا چاہتے۔

صدر فلور ملز ایسوسی ایشن نعیم بٹ نے پریس کانفرنس کرتے ہوئے کہا کہ آج گندم کا نرخ 13 ہزار 5سو روپے فی من ہے، 20 کلو آٹے کے تھیلے کا نرخ 3 ہزار روپے ہوگیا ہے، پنجاب سے آٹے کی سپلائی بحال نہ ہوئی تو رمضان المبارک کے مہینے میں آٹا مزید مہنگا ہونے کا امکان ہے۔

یہ بھی پڑھیں: نئے کرنسی نوٹوں کی گونج، پرانے نوٹ چلیں گے یا نہیں؟

ان کا کہنا تھا کہ فلور ملز انڈسٹری پہلے ہی نقصان کا شکار ہے، حکومت نے جو 15 سو ٹن گندم دینے کا فیصلہ کیا ہے وہ انتہائی قلیل ہے، خیبرپختونخوا حکومت نے گندم کا اپنا جو ریٹ دیا ہے کسی صورت قابل قبول نہیں ہے۔

صدر فلور ملز ایسوسی ایشن نے کہا کہ صوبائی حکومت نے گندم کا جو فارمولہ دیا ہے اس سے فلور مل انڈسٹری بند ہوجائے گی، ہم عوام کو دھوکا نہیں دینا چاہتے، اس فارمولے پر عمل کرنا ممکن نہیں ہے۔