آل پاکستان جیمز اینڈ جیولرز ایسوسی ایشن کے مطابق ملکی صرافہ مارکیٹوں میں آج 24 قیراط کے حامل فی تولہ سونے کی قیمت میں 4 ہزار 700 روپے کا اضافہ ہو گیا جس کے بعد ملکی صرافہ بازاروں میں فی تولہ سونے کا بھاؤ 4 لاکھ 89 ہزار 362 روپے سے بڑھ کر 4 لاکھ 93 ہزار 622 روپے ہو گیا۔

جیولرز ایسوسی ایشن کی جانب سے بتایا گیا کہ ملکی صرافہ مارکیٹوں میں 24 قیراط کے حامل 10 گرام سونے کی قیمت میں بھی اضافہ دیکھنے میں آیا، پاکستان میں 10 گرام سونے کی قیمت 3 ہزار 686 روپے کے اضافے کے بعد 4 لاکھ 19 ہزار 549 روپے سے بڑھ کر 4 لاکھ 23 ہزار روپے ہو گئی۔

یہ بھی پڑھیں: پٹرولیم مصنوعات پر ٹیکسز کی تفصیلات قومی اسمبلی میں پیش

دوسری جانب بین الاقوامی صرافہ مارکیٹوں میں بھی سونے کے نرخوں میں 43 ڈالر فی اونس کا اضافہ دیکھنے میں آیا جس کے بعد عالمی صرافہ بازاروں میں فی اونس سونا 4 ہزار 670 ڈالر سے بڑھ کر 4 ہزار 713 ڈالر کا ہو گیا۔

صرافہ مارکیٹ سے وابستہ تاجروں کا کہنا ہے کہ اگر عالمی منڈی میں سونے کی قیمتوں کا یہی رجحان برقرار رہا تو آئندہ دنوں میں سونے کی قیمتوں میں مزید اضافے کا امکان بھی موجود ہے۔

ادھر ملکی صرافہ بازاروں فی تولہ چاندی کی قیمت اضافے کا سلسلہ جاری ہے، ملکی صرافہ مارکیٹوں میں فی تولہ چاندی کی قیمت میں 87 روپے کا اضافہ ہو گیا جس کے بعد ملکی صرافہ بازاروں میں فی تولہ چاندی کی قیمت 9 ہزار 869 روپے کی سطح پر آگئی ہے جبکہ 10 گرام چاندی کے نرخ 76 روپے کے اضافے سے 8 ہزار 461 روپے کی سطح پر آ گئے۔