آل پاکستان جیمز اینڈ جیولرز ایسوسی ایشن کے مطابق ملکی صرافہ مارکیٹوں میں آج 24 قیراط کے حامل فی تولہ سونے کی قیمت میں 6 ہزار 200 روپے کا بڑا اضافہ ریکارڈ کیا گیا جس کے بعد ملکی صرافہ بازاروں میں فی تولہ سونے کا بھاؤ 4 لاکھ 62 ہزار 362 روپے ہو گیا۔

جیولرز ایسوسی ایشن کی جانب سے بتایا گیا کہ ملکی صرافہ مارکیٹوں میں 24 قیراط کے حامل 10 گرام سونے کی قیمت میں بھی تیزی دیکھنے میں آئی، پاکستان میں 10 گرام سونے کی قیمت 5 ہزار 315 روپے کے اضافے سے 3 لاکھ 96 ہزار 400 روپے کی بلند ترین سطح پر جا پہنچی۔

یہ بھی پڑھیں: سونے کی قیمت میں کمی، فی تولہ کتنے کا ہوگیا؟

ادھر بین الاقوامی صرافہ مارکیٹوں میں بھی سونے کے نرخوں میں 62 ڈالر فی اونس کا اضافہ ہوا جس کے بعد عالمی صرافہ بازاروں میں فی اونس سونے کی قیمت 4 ہزار 400 ڈالر ہو گئی۔

دوسری جانب ملکی صرافہ بازاروں میں فی تولہ چاندی کی قیمت میں بھی 218روپے فی تولہ اضافہ ریکارڈ کیا گیا جس کے بعد ملک میں پہلی بار فی تولہ چاندی 7 ہزار205 روپے کی ریکارڈ ترین سطح پرپہنچ گئی۔