آل پاکستان جیمز اینڈ جیولرز ایسوسی ایشن کے مطابق ملکی صرافہ مارکیٹوں میں آج 24 قیراط کے حامل فی تولہ سونے کی قیمت میں 4 ہزار 578 روپے کی کمی آگئی جس کے بعد ملکی صرافہ بازاروں میں تولہ سونے کا بھاؤ 4 لاکھ 25 ہزار 178 روپے سے کم ہو کر 4 لاکھ 20 ہزار 600 پر آگیا۔

جیولرز ایسوسی ایشن کی جانب سے بتایا گیا کہ ملکی صرافہ مارکیٹوں میں 24 قیراط کے حامل 10 گرام سونے کی قیمت میں بھی کمی دیکھنے میں آئی، پاکستان میں 10 گرام سونے کی 3 ہزار 924 روپے کی کمی سے 3 لاکھ 64 ہزار 521 روپے سے کم ہو کر 3 لاکھ 60 ہزار 597 روپے ہو گئی۔

دوسری جانب بین الاقوامی صرافہ مارکیٹوں میں بھی سونے کے نرخوں میں 44 ڈالر فی اونس کی کمی ہوئی جس کے بعد عالمی صرافہ بازاروں میں فی اونس سونا 3 ہزار 995 ڈالر کا ہو گیا۔

یہ بھی پڑھیں: سونے کی قیمت میں ایک بار پھر ہزاروں روپے کا اضافہ

ادھر ملکی صرافہ بازاروں میں چاندی کے بھاؤ میں آج اضافہ دیکھنے میں آیا، ملکی صرافہ مارکیٹوں میں فی تولہ چاندی 34 روپے کے اضافے کے بعد 5 ہزار 100 روپے کی ہو گئی جبکہ 10 گرام چاندی کی قیمت 29 روپے 93 پیسے کے اضافے کے بعد 4 ہزار 372 روپے پر آگئی۔

عالمی صرافہ مارکیٹ میں بھی چاندی کی قیمت میں تیزی دیکھنے میں آئی، جس کے بعد عالمی صرافہ مارکیٹوں میں فی اونس چاندی کی قیمت 50.13 ڈالر فی اونس ہو گئی۔