آل پاکستان جیمز اینڈ جیولرز ایسوسی ایشن کے مطابق ملکی صرافہ مارکیٹوں میں آج 24 قیراط کے حامل فی تولہ سونے کی قیمت میں 4 ہزار 700 روپے کا اضافہ ریکارڈ کیا گیا جس کے بعد ملک صرافہ بازاروں میں اونس سونے کا بھاؤ 3 لاکھ 91 ہزار روپے کی نئی بلند ترین سطح پر پہنچ گیا۔

جیولرز ایسوسی ایشن کی جانب سے بتایا گیا کہ ملکی صرافہ مارکیٹوں میں 24 قیراط کے حامل 10 گرام سونے کی قیمت میں بھی تیزی دیکھنے میں آئی، پاکستان میں 10 گرام سونے کی قیمت 4 ہزار 30 روپے کے اضافے سے 3 لاکھ 35 ہزار 219 روپے ہو گئی۔

دوسری جانب بین الاقوامی صرافہ مارکیٹوں میں بھی سونے کے نرخوں میں 49 ڈالر فی اونس کا اضافہ ہوا جس کے بعد عالمی صرافہ بازاروں میں فی اونس سونا 3 ہزار 692 ڈالر کی نئی بلند ترین سطح پر پہنچ گیا۔

یہ بھی پڑھیں: سونے کی قیمتوں میں ہوشربا اضافہ

ادھر ملکی صرافہ بازاروں میں چاندی کے بھاؤ میں بھی اضافہ ریکارڈ کیا گیا ، ملکی صرافہ مارکیٹوں میں فی تولہ چاندی 53 روپے اضافے سے 4 ہزار 496 روپے کی ہو گئی جبکہ 10 گرام چاندی کی قیمت 45 روپے اضافے سے 3 ہزار 854 روپے تک جا پہنچی۔

عالمی صرافہ مارکیٹ میں بھی چاندی کی قیمت میں 0.54 ڈالر کا اضافہ ہوا، جس کے بعد یہ 42.69 ڈالر فی اونس ہو گئی، جو پہلے 42.15 ڈالر تھی۔

یاد رہے کہ گزشتہ روز سونے کی قیمت میں کوئی ردوبدل نہیں ہوا تھا ، گزشتہ روز سونے کی قیمت 3 لاکھ 86 ہزار 300 روپے پر برقرار رہی تھی۔