اس اسکیم کے تحت صارفین اپنی پرانی موٹر سائیکل منتخب ڈیلرشپس پر جمع کرا کے بالکل نئی یاماہا موٹر سائیکل حاصل کر سکیں گے۔
کمپنی کے مطابق اس اقدام کا مقصد صارفین کو زیادہ سہولت اور اعتماد فراہم کرنا ہے تاکہ وہ خریدار تلاش کرنے، قیمت پر سودے بازی کرنے یا پرائیویٹ سیل کے غیر یقینی عمل سے بچ سکیں۔
یاماہا موٹر پاکستان کا کہنا ہے کہ یہ آفر خاص طور پر ان صارفین کیلئے متعارف کرائی گئی ہے جو زیادہ پائیدار، جدید ڈیزائن اور آرام دہ سواری چاہتے ہیں۔ اس اسکیم کے ذریعے بائیک مالکان ایک محفوظ اور آسان طریقے سے اپنی پرانی سواری کو اپ گریڈ کر کے نئی موٹر سائیکل حاصل کر سکتے ہیں۔
واضح رہے کہ کمپنی کی جانب سے وضاحت کی گئی ہے کہ یہ سہولت صرف چند منتخب ڈیلرشپس پر دستیاب ہوگی، ڈیلرشپ وزٹ کرنے سے پہلے اس آفر کی دستیابی کی تصدیق ضرور کر لیں تاکہ کسی قسم کی پریشانی سے بچا جا سکے۔
یہ بھی پڑھیں:پڑھے لکھے بیروزگار افراد کیلئے نوکریوں کا اعلان
ذہن نشین رہے کہ اسی ہفتے یاماہا موٹر پاکستان (پرائیویٹ) لمیٹڈ نے اپنی نئی بزنس پالیسی کے تحت پاکستان میں موٹر سائیکل کی مقامی تیاری بند کرنے کا اعلان بھی کیا ہے۔ اس فیصلے کے باوجود کمپنی نے اپنے صارفین کو یقین دہانی کرائی ہے کہ وہ مستقبل میں بھی یاماہا کی بہترین پروڈکٹس اور خدمات سے استفادہ کر سکیں گے۔
کمپنی نے اپنے باضابطہ نوٹیفکیشن میں صارفین کا شکریہ ادا کرتے ہوئے کہا ہے کہ برسوں کی وفاداری اور اعتماد کے اعتراف میں ہی یہ خصوصی اسکیم متعارف کرائی گئی ہے۔
