کمپنی کے مطابق نئی قیمتیں یکم مئی 2025 سے نافذ العمل ہوں گی۔ 1.3L  کمفرٹ ایم ٹی (Comfort MT) کی نئی قیمت 40 لاکھ 99 ہزار روپے ہو گئی ہے، جو پہلے 38 لاکھ 49 ہزار روپے تھی۔ 1.5L  کمفرٹ ڈی سی ٹی (Comfort DCT) کی قیمت اب 46 لاکھ 49 ہزار روپے ہوگئی ہے۔

1.5L  لومیئر ڈی سی ٹی (Lumiere DCT) ماڈل کی نئی قیمت 47 لاکھ 99 ہزار روپے مقرر کی گئی ہے جبکہ 1.5L  لومیئر ڈی سی ٹی بلیک ایڈیشن (Lumiere DCT Black Edition) کی قیمت 48 لاکھ 99 ہزار روپے کر دی گئی ہے، جو پہلے 46 لاکھ 49 ہزار روپے تھی۔ چنگان حکام کا کہنا ہے کہ یہ اضافہ پیداواری لاگت میں اضافے اور ملکی معاشی حالات کو مدنظر رکھتے ہوئے کیا گیا ہے۔

آٹو انڈسٹری میں دیگر کار ساز ادارے بھی اپنی قیمتوں میں رد و بدل کر رہے ہیں۔ کمپنی نے صارفین کو مشورہ دیا ہے کہ وہ نئی قیمتوں کے نفاذ سے قبل اپنی بکنگ مکمل کروا لیں تاکہ اضافی قیمت سے بچا جا سکے۔ ماہرین کا کہنا ہے کہ یہ اضافہ موجودہ معاشی صورتحال میں گاڑی خریدنے کے خواہشمند افراد پر اثر انداز ہو سکتا ہے۔