تفصیلات کے مطابق پاکستان میں صنعتی شعبے کی پیداوار مانیٹر کرنے کا فیصلہ کر لیا گیا ہے۔ صنعتی اشیاء کی پیداوار کی الیکٹرانک نگرانی کی جائے گی۔ ایف بی آر نے سیلز ٹیکس رولز 2006 میں ترمیم کا نوٹیفکیشن جاری کر دیا۔

ویڈیو نگرانی کیلئے ڈیجیٹل آئی سافٹ ویئر نصب کیا جائے گا۔ سینٹرل کنٹرول یونٹ ایف بی آر کو رئیل ٹائم ڈیٹا فراہم کرے گا۔ پیداواری ریکارڈ کا تجزیہ کر کے قانونی کاروائی کی جا سکے گی۔ مانیٹرنگ کے بغیر مال فیکٹری سے نہیں نکل سکے گا۔

کاروباری احاطے میں پروڈکشن مانیٹرنگ سامان نصب کیا جائے گا۔ نگرانی کا سازوسامان لائسنس یافتہ مجاز وینڈر کے زریعے نصب ہوگا۔ مجاز وینڈر نصب ٹیکنالوجی کو اپ گریڈ کرے گا۔ نگرانی کا سامان نصب کرنے کی فیس چارج کرنے کا مجاز ہوگا۔