تفصیلات کے مطابق مقامی مارکیٹ میں فی تولہ سونے کی قیمت میں 2800 روپے کا بڑا اضافہ ریکارڈ کیا گیا ہے،جس سے سونے کی قیمت 309,300 روپے تک پہنچ گئی ہے۔

صرافہ ایسوسی ایشن کے مطابق عالمی منڈیوں میں سونے کی قیمت میں بڑا اضافہ ریکارڈ کیا گیا ہے، جس کے باعث مقامی مارکیٹ میں سونے کی قیمتوں میں بڑی اُچھال آئی ہے۔

24 کیرٹ فی تولہ سونا 2800 روپے مہنگا ہو کر 309,300 روپے تک پہنچ گیا ہے۔ اسی طرح 10 گرام سونے کی قیمت بھی 2400 روپے بڑھ کر 265,174 روپے ہو گئی ہے۔

عالمی منڈی میں بھی سونے کی قیمتوں میں اضافہ دیکھنے کو ملا، جہاں فی اونس سونے کی قیمت 27 ڈالر بڑھ کر 2,942 ڈالر ہو گئی ہے۔ اس اضافے کا اثر مقامی مارکیٹ پر بھی پڑا ہے۔

ماہرین کا کہنا ہے کہ عالمی مارکیٹ میں سونے کی قیمتوں میں اضافہ عالمی معاشی حالات اور افراط زر کے بڑھتے ہوئے خطرات کی وجہ سے ہو رہا ہے۔

مقامی مارکیٹ میں سونے کی قیمتوں میں اس اضافے کے بعد عوام میں تشویش پائی جا رہی ہے، کیونکہ یہ اضافی قیمتیں عوام کیلئے ایک اضافی بوجھ ثابت ہو سکتی ہیں۔