تفصیلات کے مطابق لاہور میں مرغی کا گوشت 15 روپے فی کلو مہنگا ہو گیا ہے، اس اضافے کے بعد مرغی کے گوشت کی قیمت 595 روپے فی کلو ہو چکی ہے۔ گزشتہ روز گوشت کی قیمت 580 روپے فی کلو تھی۔ اس اضافے نے بازاروں میں ہلچل مچا دی ہے۔

سرکاری نرخنامے کے مطابق لاہور میں زندہ برائلر مرغی کے نرخ میں بھی 11 روپے فی کلو کا اضافہ ہوا ہے، جس کے بعد اس کا تھوک ریٹ 397 روپے اور پرچون ریٹ 411 روپے فی کلو تک پہنچ گیا ہے۔

واضح رہے کہ اس اضافے کے باعث عوام کی روزمرہ کی خریداری مشکل ہو گئی ہے، خاص طور پر وہ افراد جو محدود بجٹ پر ان اجناس کا استعمال کرتے ہیں۔

دوسری جانب لاہور میں انڈوں کی قیمت میں بھی اضافہ دیکھنے کو ملا ہے، جہاں ایک درجن انڈوں کی قیمت 222 روپے سے بڑھ کر 224 روپے ہو گئی ہے۔

علاوہ ازیں ملتان میں بھی مرغی کے گوشت کی قیمت میں اضافہ ہوا ہے، جہاں ایک ہی دن میں زندہ برائلر مرغی کے نرخ میں 10 روپے فی کلو کا اضافہ ہوا ہے، جس کے بعد اس کا تھوک ریٹ 394 روپے اور پرچون ریٹ 408 روپے فی کلو تک پہنچ چکا ہے۔ تاہم ملتان میں انڈوں کی قیمت فی درجن 195 روپے پر برقرار ہے۔

خیال رہے کہ یہ قیمتیں عوام کیلئے ایک نیا چیلنج بن چکی ہیں، اور کئی افراد اس اضافے سے پریشان ہیں کہ ان کی روزانہ کی خریداری مزید مہنگی ہو گئی ہے۔

شہریوں نے حکومت سے مطالبہ کیا ہے کہ ان قیمتوں پر قابو پانے کیلئے ضروری اقدامات کیے جائیں۔