افطار کے لیے اگر آپ کچھ نیا اور ذائقہ دار بنانا چاہتے ہیں تو کورین چکن بائٹس بہترین انتخاب ہیں۔ یہ خستہ، ہلکے میٹھے اور تھوڑے مصالحے دار ہوتے ہیں جو افطار دسترخوان کو خاص بنا دیتے ہیں۔

اجزاء

• چکن بون لیس – 500 گرام (چھوٹے ٹکڑوں میں کٹا ہوا)
• کارن فلور – آدھا کپ
• میدہ – آدھا کپ
• انڈا – 1 عدد
• لہسن پاؤڈر – 1 چائے کا چمچ
• نمک – حسبِ ذائقہ
• کالی مرچ – آدھا چائے کا چمچ
• تیل – فرائی کے لیے

سوس کے لیے:

• سویا سوس – 2 کھانے کے چمچ
• چلی سوس – 1 کھانے کا چمچ
• شہد یا براؤن شوگر – 1 کھانے کا چمچ
• لہسن (باریک کٹا ہوا) – 1 چائے کا چمچ
• تل – 1 چائے کا چمچ
• سرکہ – 1 چائے کا چمچ

بنانے کا طریقہ

1. ایک پیالے میں چکن کے ٹکڑے ڈالیں اور اس میں نمک، کالی مرچ، لہسن پاؤڈر اور انڈا ڈال کر اچھی طرح مکس کریں۔
2. اب اس میں میدہ اور کارن فلور شامل کریں اور چکن کو اچھی طرح کوٹ کر لیں۔
3. کڑاہی میں تیل گرم کریں اور چکن کے ٹکڑوں کو درمیانی آنچ پر سنہری اور خستہ ہونے تک فرائی کریں۔
4. ایک الگ پین میں تھوڑا سا تیل ڈال کر لہسن ہلکا سا فرائی کریں۔
5. اس میں سویا سوس، چلی سوس، شہد اور سرکہ ڈال کر ہلکا سا پکائیں۔
6. اب فرائی کیے ہوئے چکن بائٹس اس سوس میں ڈال کر اچھی طرح مکس کریں تاکہ سوس ہر ٹکڑے پر لگ جائے۔
7. آخر میں اوپر سے تل کے بیج چھڑک دیں۔

پیش کرنے کا طریقہ

گرم گرم کوریئن چکن بائٹس کو ہرے پیاز یا سلاد کے ساتھ پیش کریں۔ یہ افطار کے لیے ایک بہترین اسنیک ہے جو بچوں اور بڑوں دونوں کو بہت پسند آئے گا۔