افطار کے وقت کرسپی اور مزیدار چکن ڈرم اسٹکس سب کو بہت پسند آتے ہیں۔ یہ ریسپی گھر پر آسانی سے بنائی جا سکتی ہے۔

اجزاء

• چکن ڈرم اسٹکس: 8 عدد
• لہسن ادرک پیسٹ: 1 کھانے کا چمچ
• لال مرچ پاؤڈر: 1 چائے کا چمچ
• کالی مرچ پاؤڈر: ½ چائے کا چمچ
• نمک: حسبِ ذائقہ
• سویا ساس: 1 کھانے کا چمچ
• سرکہ: 1 چائے کا چمچ
• لیموں کا رس: 1 کھانے کا چمچ
• کارن فلور: 3 کھانے کے چمچ
• میدہ: 2 کھانے کے چمچ
• انڈا: 1 عدد
• بریڈ کرمبز: 1 کپ
• تیل: فرائی کرنے کے لیے

بنانے کا طریقہ

1. سب سے پہلے چکن ڈرم اسٹکس کو اچھی طرح دھو کر خشک کر لیں۔
2. ایک پیالے میں لہسن ادرک پیسٹ، نمک، لال مرچ، کالی مرچ، سویا ساس، سرکہ اور لیموں کا رس ڈال کر مکس کریں۔
3. اس مکسچر میں چکن ڈال کر اچھی طرح میرینیٹ کریں اور کم از کم 30 سے 45 منٹ کے لیے رکھ دیں۔
4. اب ایک پیالے میں انڈا پھینٹ لیں، دوسرے میں میدہ اور کارن فلور مکس کریں، اور تیسرے میں بریڈ کرمز رکھیں۔
5. میرینیٹ کیے ہوئے ڈرم اسٹکس کو پہلے میدہ مکسچر میں، پھر انڈے میں اور آخر میں بریڈ کرمز میں اچھی طرح کوٹ کریں۔
6. کڑاہی میں تیل گرم کریں اور ڈرم اسٹکس کو درمیانی آنچ پر سنہری اور کرسپی ہونے تک فرائی کریں۔
7. جب اچھی طرح پک جائیں تو نکال کر پیپر پر رکھیں تاکہ اضافی تیل جذب ہو جائے۔

پیش کرنے کا طریقہ

گرم گرم کرسپی ڈرم اسٹکس کو کیچپ، چلی ساس یا مایونیز کے ساتھ افطار میں پیش کریں۔

ٹِپ: اگر آپ زیادہ کرسپی چاہتے ہیں تو ڈرم اسٹکس کو بریڈ کرمز میں دو بار کوٹ کریں۔