لاہور:(سنو نیوز)چیئرمین مینجمنٹ کمیٹی نجم سیٹھی نے پاکستانی کرکٹ ٹیم کے ون ڈے انٹرنیشنل میں عالمی نمبر ون بننے پر پوری قوم کو مبارک باد پیش کرتے ہوئے کہا کہ آج پاکستانی ٹیم نے نیوزی لینڈ کے خلاف چوتھا ون ڈے انٹرنیشنل جیت کر عالمی رینکنگ میں پہلی پوزیشن حاصل کی ہے، یہ بہت ہی خوشی کا موقع ہے۔

Chairman PCB Management Committee Mr Najam Sethi congratulates the Pakistan team for achieving the top spot on ICC ODI Team Rankings. pic.twitter.com/qRJYNB7tKT

— Pakistan Cricket (@TheRealPCB) May 6, 2023

چیئرمین پی سی بی نجم سیٹھی نے سماجی رابطے کی ویب سائٹ ٹویٹر پر اپنے ویڈیو پیغام میں کہا کہ کپتان بابراعظم، پوری ٹیم اور کوچنگ اسٹاف اس اہم موقع پر مبارک باد کے مستحق ہیں،مجھے اس ٹیم پر فخر ہے اور اس کے لیے نیک تمنائیں ہیں، مجھے یاد ہے کہ میرے پچھلے دور میں پاکستانی ٹیم ٹیسٹ اور ٹی ٹوئنٹی کی عالمی رینکنگ میں پہلے نمبر پر آئی تھی اور اب وہ ون ڈے میں بھی دنیا کی نمبر ون ٹیم بن گئی ہے۔

pic.twitter.com/ZP9dMfBybF

— Pakistan Cricket (@TheRealPCB) May 5, 2023

انہوںنے کہا کہ مجھے امید ہے کہ ہماری جو ٹریننگ ہورہی ہے وہ ایشیا کپ اور پھر ورلڈ کپ میں کام آئے گی۔یہ عالمی رینکنگ تبدیل ہوتی رہتی ہیں لہذا یہ جو خوشی ملی ہے اسے منایا جائے۔