اسلام آباد (سنو نیوز) وزیراعظم شہباز شریف نے عالمی یوم ماحولیات کے موقع پر پیغام میں کہا ہے کہ پاکستان نے ماحولیات کے عالمی تھیم کے تحت پلاسٹک کی آلودگی سے نمٹنے کیلئے متعدد اقدامات کیے ہیں۔ وزیراعظم نے کہا کہ پاکستان میں 70 فیصد پلاسٹک کے فضلے کو غلط طریقے سے ٹھکانے لگایا جاتا ہے، حکومت نے پلاسٹک کی بجائے ماحول دوست متبادل ذرائع اپنانے کو ترجیح دی ہے،وفاق میں پلاسٹک پرہیبیشن ریگولیشن 2023 پر فعال طور پر عمل کیا جا رہا ہے۔

On World Environment Day today, Pakistan joins the international community in renewing its commitment to phase out single-use plastic as part of its efforts to combat plastic pollution. The government has been actively working with national & international stakeholders to develop…

— Shehbaz Sharif (@CMShehbaz) June 5, 2023

شہباز شریف نے وزیرِاعظم ہاؤس کو ہدایت کی ہے کہ وہ پلاسٹک کا استعمال بند کر دیں، وزارتِ موسمیاتی تبدیلی اور ماحولیاتی کوآرڈینیشن کی طرح مرحلہ وار اسے ختم کرنے اور محدود کرنے کی حکمت عملی پر کار بند ہیں۔ وزیراعظم نے تمام سٹیک ہولڈرز پر زور دیا کہ وہ پلاسٹک کی آلودگی کے خلاف جنگ کے لیے اپنے عزم کی تجدید کریں، ماحول کے تحفظ اور آنے والی نسلوں کی فلاح و بہبود کو یقینی بنایا جائے، پاکستان نے پلاسٹک کی آلودگی کے خاتمے کے لیے ایک جامع قانونی لائحہ عمل تیار کرنے کے لیے اہم بین الاقوامی اور قومی سطح پر اقدامات اٹھائے ہیں۔