پاسداران انقلاب کا آبنائے ہرمز سے امریکی جاسوس آبدوز پکڑنے کا دعویٰ

پاسدارانِ انقلاب کی بحریہ نے بیان میں کہا کہ امریکی زیرِ آب ڈرون کو ایک مربوط اور پیچیدہ کارروائی کے دوران روکا گیا۔ کارروائی میں انٹیلی جنس صلاحیتوں اور الیکٹرانک وار فیئر کا استعمال کیا گیا۔

پاسدارانِ انقلاب کی بحریہ کا کہنا ہے کہ امریکی ڈرون کو جاسوسی کی غرض سے آبنائے ہرمز میں سرگرم پایا گیا تھا اور اب یہ ایرانی ماہرین کے قبضے میں ہے، جو اس سے حاصل ہونے والی معلومات کا جائزہ لے رہے ہیں۔

ایرانی بحریہ نے مزید دعویٰ کیا کہ آبنائے ہرمز ’بلاک‘ ہے اور وہ اس اہم آبی گزرگاہ میں خطرناک سرگرمیوں اور غیر مجاز راستوں سے گزرنے والے بحری جہازوں کے خلاف مسلسل اور فیصلہ کن کارروائی کر رہی ہے۔

یہ بھی پڑھیں: ہیلی کاپٹر گر کر تباہ،تمام سوار جان کی بازی ہار گئے

ایرانی حکام کے مطابق ماہرین زیرِ آب گاڑی سے حاصل ہونے والے ڈیٹا اور دیگر معلومات کا جائزہ لے رہے ہیں، جبکہ اس میں موجود معلومات کو حاصل کرنے کی کوشش بھی کی جا رہی ہے۔

ایرانی پاسداران انقلاب نے مزید دعویٰ کیا کہ آبنائے ہرمز اس وقت ’بلاک‘ ہے اور ایرانی فورسز اہم آبی گزرگاہ میں خطرناک سرگرمیوں اور غیر مجاز راستوں سے گزرنے والے بحری جہازوں کے خلاف مسلسل کارروائیاں کر رہی ہیں۔