نائیجر میں 49 شہری صحرا میں پیاس سے جاں بحق

حکام کے مطابق یہ افراد ہمسایہ ملک مالی سے اپنے خاندانوں کے ساتھ عید الاضحی منانے کے لیے نائیجر آرہے تھے، تاہم راستے میں ان کا ٹرک خراب ہو گیا اور وہ صحرا میں پھنس گئے۔

ابتدائی اطلاعات کے مطابق متاثرہ افراد شدید گرمی اور پیاس کے باعث ہلاک ہوئے، اور صرف 2 افراد پیدل چل کر قریب ترین آبی ذخیرہ تک پہنچنے میں کامیاب ہوئے۔ انہوں نے مقامی حکام کو صورتحال سے آگاہ کیا، جس کے بعد امدادی کارروائیاں شروع کی گئیں۔

یہ بھی پڑھیں: آیت اللہ خامنہ ای پر حملے کے وقت اُن کے دفتر میں موجود تھا:عباس عراقچی

امدادی ٹیموں نے جاں بحق افراد کی لاشوں کو اجتماعی قبروں میں دفن کر دیا۔ حکام کا کہنا ہے کہ علاقے میں انسانی زندگی کے لیے پانی اور حفاظتی انتظامات کی شدید کمی موجود ہے، جس کی وجہ سے اس طرح کے سانحات رونما ہوتے رہتے ہیں۔

مقامی حکومت نے متاثرہ خاندانوں سے تعزیت کرتے ہوئے امدادی کوششوں میں مزید تعاون کی یقین دہانی کرائی ہے۔ اس واقعے نے افریقہ کے صحرائی علاقوں میں شدید گرمی اور پانی کی کمی کے سنگین اثرات کی یاد دہانی کرائی ہے، جہاں شہریوں کو طویل اور خطرناک سفر کے دوران خطرات لاحق رہتے ہیں۔