ایران کے امن منصوبے کی مزید تفصیلات منظرعام پر آگئیں
الجزیرہ کی رپورٹ کے مطابق ایران کا امن منصوبہ 3 مراحل پر مشتمل ہے،آبنائے ہرمز کو کھولنا اور ناکہ بندی کا خاتمہ پہلا مرحلہ ہو گا، سمندی باردوی سرنگوں کو ہٹانے کی ذمہ داری بھی ایران سنبھالے گا۔
رپورٹ کے مطابق ایران کی جانب سے 30 دن میں جنگ کے مکمل خاتمے کی تجویز دی گئی ہے، اسرائیل سمیت تمام فریقن کی جانب سے حملے نہ کرنے کی ضمانت شامل ہے۔
دوسرے مرحلے میں ایران یورینیم افزودگی 3.6 فیصد کی سطح پر لائے گا،ایران کے جوہری ڈھانچے کو ختم یا تنصیبات کو تباہ نہ کرنے کی ضامنت شامل بھی مانگی گئی ہے۔
رپورٹ میں مزید بتایا گیا ہے کہ ایران کےمنجمد کیے گئے اثاثے مقرر مدت کے بعد مرحلہ وار بحال ہوں گے۔
یہ بھی پڑھیں: ایران کی مذاکرات سے متعلق نئی تجاویز پاکستان کے حوالے کرنے کی تصدیق
دوسری جانب ایران کی پاسداران انقلاب کی جانب سے جاری ایک بیان میں کہا گیا ہے کہ واشنگٹن کے پاس فیصلوں کی گنجائش ختم ہو چکی ہے،ٹرمپ اب ناممکن فوجی مہم جوئی یا تلخ ڈیل میں سے کسی ایک کا انتخاب کریں۔
پاسداران انقلاب نے مزید کہا کہ گیند اب امریکا کے کورٹ میں ہے ، فیصلے کے لئے وقت تیزی سے گزر رہا ہے۔
