امریکی میڈیا کو انٹرویو کے دوران صدر ڈونلڈ ٹرمپ کا کہنا تھا کہ ایران کے ساتھ تنازع ایک عظیم ڈیل پر ختم ہو گا، ہم مذاکرت کے لئے بہترین پوزیشن میں ہیں، ہم ایران کے ساتھ بہترین انداز میں نمٹ رہے ہیں۔
انہوں نے کہا کہ ایران کی ناکہ بندی بہت کامیاب رہی، جنگ بندی ختم ہونے میں بہت کم وقت رہ گیا، میں جنگ بندی میں توسیع نہیں کرنا چاہتا، ہم مسئلے کے فوجی حل کے لیے بھی تیار ہیں۔
امریکی صدر کا کہنا تھا کہ ایران کے پاس مذاکرات کے لئے اپنا وفد پاکستان بھیجنے کے علاوہ کوئی چارہ نہیں، آبنائے ہرمز پر مکمل کنٹرول ہے، آبنائے ہرمز کی ناکہ بندی ایک بڑی کامیابی ہے۔
یہ بھی پڑھیں: ایران کیساتھ معاہدہ نہ ہونے کی صورت میں جنگ یقینی ہے، ٹرمپ
ڈونلڈ ٹرمپ نے کہا کہ امریکا جنگ ختم کرنے کیلئے ایران کے ساتھ معاہدہ کر لے گا، ایران کے پاس مذاکرات کے سوا دوسرا کوئی راستہ نہیں، ہم نے ان کی قیادت کو ختم کر دیا، نئی قیادت زیادہ معقول ہے۔
امریکی صدر کا کہنا تھا کہ ایران ڈیل کر لیتا ہے تو وہ خود کو بہتر پوزیشن میں لاسکتا ہے، ایران اس وقت جس پوزیشن پر ہے اسے معاہدہ کرنا ہی پڑے گا، میں سمجھتا ہوں اور کوئی راستہ نہیں، فریقین آپس میں بیٹھیں گے تو ڈیل ہو جائے گی۔
صدر ٹرمپ نے مزید کہا کہ ہم ایران کے ساتھ معاملات کو بہت کامیابی سے سنبھال رہے ہیں، ایران کا معاملہ بڑی ڈیل کے ساتھ ختم ہو جائے گا۔
