امریکی جریدے نیویارک پوسٹ سے گفتگو کرتے ہوئے امریکی صدر ڈونلڈ ٹرمپ کا کہنا تھا کہ امن مذاکرات کے لئے نائب صدر جے ڈی وینس کی قیادت میں امریکی وفدکچھ گھنٹوں میں اسلام آباد پہنچ جائے گا۔
انہوں نے کہا کہ اگر معاہدہ پر پہنچ جاتے ہیں تومیں ایرانی سینئر وفد سے ملنے کو تیار ہوں، مذاکرات پر کوئی بھی گیم نہیں کھیل رہا ہے سب سنجیدہ ہیں۔
خیال رہے کہ ڈونلڈ ٹرمپ کی جانب سے 7 اپریل کو اعلان کیا گیا تھا کہ امریکا اور ایران کے درمیان دو ہفتوں کی جنگ بندی طے پا گئی ہے، جو امریکی وقت کے مطابق منگل کی شام ختم ہونے جا رہی ہے،یہ وقت ایران میں بدھ کی صبح کے برابر بنتا ہے۔
یہ بھی پڑھیں: ایران کا امریکا کیساتھ مذاکرات میں شرکت پر غور
یاد رہے کہ گزشتہ روز امریکی صدر ڈونلڈ ٹرمپ نے کہا تھا کہ ایران سے مذاکرات کیلئے میرے نمائندے اسلام آباد پہنچ رہے ہیں، ایران کو بہت اچھی ڈیل آفر کی ہے، میں سمجھتا ہوں امن معاہدہ ہو سکتا ہے۔
انہوں نے کہا کہ ایران سے دوستانہ یامشکل طریقے سےمعاہدہ ضرور ہو گا، یقین ہےہم ایک معاہدے تک پہنچنے کے قریب ہیں، اگر معاہدہ نہ ہوا تو ایران کے تمام بجلی گھروں اور پلوں کو تباہ کر دیں گے، معاہدہ نہ ہونے کی صورت میں ایران سے کسی قسم کی نرمی نہیں برتی جائے گی۔
