اپنے ایک بیان میں ایرانی صدر مسعود پزشکیان کا کہنا تھا کہ عزت کے ساتھ جنگ کا خاتمہ چاہتے ہیں، اپنے دفاع کا قانونی اور جائز حق استعمال کر رہے ہیں، کسی ملک پرحملہ کرنے کا ارادہ نہیں رکھتے۔
انہوں نے کہا کہ جنگیں اورتنازعات ہم نے شروع نہیں کیے، ٹرمپ کے پاس ایران کو جوہری توانائی سے محروم کرنے کا کوئی جواز نہیں ہے، ٹرمپ کو کوئی حق نہیں وہ ایران کے عوام کو اس کے حقوق سے روکے۔
ایرانی صدر کا کہنا تھا کہ دشمن اپنے مقاصد حاصل کرنے میں ناکام رہا ہے، ہمارامؤقف خطے میں امن واستحکام اور سلامتی کے تحفظ پر مبنی ہے۔
یہ بھی پڑھیں: ہماری میزائل بنانے کی صلاحیت کو نہیں روکا جا سکتا، ایران
دوسری جانب ایرانی سپریم لیڈر کے مشیر علی اکبر ولایتی نے کہا ہے کہ دشمن کی کسی بھی شرارت کا بھرپور جواب دیا جائے گا، بیرونی طاقتوں کا ہم پر اپنی مرضی مسلط کرنے کا دور اب ختم ہو چکا ہے۔
ان کا کہنا تھا کہ آبنائے ہرمز کی حفاظت ایران کے ہاتھ میں ہے، باب المندوب کا کنٹرول انصار اللہ سنبھالے ہوئے ہیں، دشمن کی کسی بھی شرارت کا بھرپور جواب دیا جائے گا۔
ایرانی سپریم لیڈر کے مشیر کا مزید کہنا تھا کہ پیرس اجلاس صرف ایک تماشا ہے، برطانیہ اور فرانس مداخلت نہ کریں،برطانیہ اور فرانس اپنے سمندری راستوں کی فکر کریں۔
