امریکی صدر نے کہا کہ یہ شخصیت نہایت ذہین، باصلاحیت اور معاملات کو سمجھنے والی ہے، کل ایک اہم نیوز کانفرنس بھی متوقع ہے جس میں امریکا کیلئے خوشخبری سنائی جا سکتی ہے۔
امریکی صدر نے اپنے بیان میں ایران کے حوالے سے سخت مؤقف اختیار کرتے ہوئے واضح کیا کہ ایران کو کسی صورت ایٹمی ہتھیار رکھنے کی اجازت نہیں دی جائے گی، یہ ایک بنیادی اصول ہے کہ ایران ایٹمی طاقت نہیں بن سکتا، جبکہ ایرانی قیادت مختلف بیانات دے رہی ہے جو ان کا اپنا معاملہ ہے۔
ڈونلڈ ٹرمپ نے مزید کہا کہ ایران کے ساتھ ممکنہ سیز فائر میں توسیع نہ کرنے کا بھی امکان موجود ہے، انہوں نے اس بات پر زور دیا کہ ایران سے نیوکلیئر مواد حاصل کرنے کی تاریخ یا وقت کا تعین ابھی نہیں کیا جا سکتا، تاہم کسی معاہدے کے بعد ایران کو مناسب وقت دیا جائے گا تاکہ وہ تعاون کرے۔
انہوں نے خبردار کیا کہ اگر ایران نے تعاون نہ کیا تو امریکا متبادل راستہ اختیار کرے گا جو ایران کیلئے سخت اور غیر دوستانہ ہو سکتا ہے
یہ بھی پڑھیں:ایران کا آبنائے ہرمز مکمل طور پر کھولنے کا اعلان
ساتھ ہی انہوں نے کہا کہ آبنائے ہرمز پر ایران کو کسی قسم کی پابندیاں لگانے یا فیس وصول کرنے کی اجازت نہیں دی جائے گی۔
