امریکی صدر ڈونلڈ ٹرمپ کا ری پبلکن پارٹی کے کنونشن سے خطاب کرتے ہوئے کہنا تھا کہ ہم نے ایران کی فوجی صلاحیت کو ختم کر دیا ہے، ایرانی ڈرونز،نیوی اور فضائیہ کو مکمل طور پر ختم کر دیا، امریکا نے ایران کے ریڈار سسٹم کو مکمل طورپرتباہ کر دیا، ہم نےایران کے 154 جہاز تباہ کیے ہیں۔
انہوں نے کہا کہ ایران نے سعودی عرب، کویت، قطر اور یو اے ای سمیت 5 ممالک پر حملہ کیا، ایران جنگ سے پریشان ہو کر خلیجی ممالک کو نشانہ بنا رہا ہے۔
صدر ٹرمپ کا کہنا تھا کہ ایران پر تاریخ کے سب سے بڑے فضائی حملے کیے گئے، ایران کی اعلیٰ قیادت میں اب کوئی بھی نہیں رہا، نیٹومیں سے کوئی ہمیں ریسکیو کرنے نہیں آیا،اب وہ کہتے ہیں ہم جہاز بھیجنا چاہتے ہیں، ہمیں کسی کی مددکی ضرورت نہیں ہے، تخمینہ لگایا ہے ایران میں اپنامشن مکمل کرنے کیلئے ہمیں 4 سے 6 ہفتے لگیں گے۔
یہ بھی پڑھیں: امریکا ایران کیساتھ پاکستان کے ذریعے مذاکرات کر رہا ہے: واشنگٹن
امریکی صدر نے کہا کہ ایرانی مذاکرات کار بہت مختلف اورعجیب ہیں، ایران اب امریکا کے ساتھ ڈیل چاہتا ہے، ایران معاہدے کیلئے بھیک مانگ رہا ہے، ایران کے حکام بہت ہوشیار ہیں، وہ بہترین مذاکرات کار ہیں۔
ڈونلڈ ٹرمپ کا مزید کہنا تھا کہ مجھے یقین ہےہم ایران سےمعاہدہ کرنے کیلئے تیار ہیں، ایران نے آبنائے ہرمز سے 10 تیل کے ٹینکرز کو گزرنے کی اجازت دی ہے، ایران کی تیل کے جہاز گزرنے کی اجازت دینا مذاکرات میں ان کی سنجیدگی کو ظاہر کرتا ہے۔
