اماراتی حکام کے مطابق یہ واقعہ ابوظبی کے علاقے بنی یاس میں پیش آیا، جہاں میزائل کے ٹکڑے گرنے سے مذکورہ پاکستانی شہری کی ہلاکت ہوئی۔
حکام نے بتایا کہ متحدہ عرب امارات کی فضائی دفاعی نظام نے بیلسٹک میزائل کو ناکام بنانے میں کامیابی حاصل کی، تاہم میزائل کے ٹکڑے اب بھی زمین پر گرے اور شہریوں کو نقصان پہنچا۔ اس حملے کے نتیجے میں جانبحق ہونے والے پاکستانی شہریوں کی تعداد 3 ہو گئی ہے، جن میں ایک شہری دبئی اور دو شہری ابوظبی میں جاں بحق ہوئے۔
واضح رہے کہ متحدہ عرب امارات میں جاری کشیدگی کے باعث نہ صرف پاکستانی بلکہ دیگر ملکی شہری بھی متاثر ہوئے ہیں، متاثرہ علاقوں میں فوری طور پر حفاظتی اقدامات بڑھا دیے گئے ہیں اور امدادی ٹیمیں تعینات ہیں۔
حالیہ حملوں کے بعد مقامی اور غیر ملکی حکومتوں نے اس صورتحال پر گہری تشویش کا اظہار کرتے ہوئے شہریوں کی حفاظت کیلئے سخت اقدامات اٹھانے کا وعدہ کیا ہے۔
یہ بھی پڑھیں:بغداد میں امریکی سفارتخانے پر ڈرونز اور راکٹوں کی بارش
پاکستانی کمیونٹی کے نمائندوں نے بھی ہلاک ہونے والے شہریوں کے اہل خانہ کیلئے تعزیت کا اظہار کیا اور حکومت پاکستان سے مطالبہ کیا کہ وہ متاثرہ شہریوں کی مدد اور محفوظ واپسی کیلئے فوری اقدامات کرے۔
