شمالی امریکا فقہ کونسل آف نارتھ امریکا اور اسلامک سوسائٹی آف نارتھ امریکہ کے حساب سے کہا گیا کہ دنیا میں کہیں غروب آفتاب کے وقت چاند کی طوالت کم از کم 8 ڈگری سے زیادہ ہونی چاہیے۔ یورپ یورپی کونسل برائے فتویٰ و تحقیق نے اعلان کیا ہے کہ جمعرات 19 فروری کو رمضان المبارک کا پہلا دن ہو گا۔

یہ بھی پڑھیں: حکومت کا دو روزہ عام تعطیل کا اعلان

ای سی ایف آر نے کہا کہ چاند کی فلکیاتی پیدائش منگل کو ہوگی لیکن اس شام کو آنکھ سے یا دوربینوں اور مشاہداتی آلات کے ذریعے دیکھنا ناممکن ہو گا۔

ترکی نے بھی انہی وجوہات کی بنا پر 19 فروری کو رمضان کے مقدس مہینے کا پہلا دن قرار دیا ہے۔ مشرق وسطیٰ سعودی عرب کی قیادت میں مشرق وسطیٰ کے بیشتر ممالک منگل 17 فروری کی شام تک کوئی حتمی اعلان نہیں کریں گے اگر سعودی سپریم کورٹ کو منگل کی رات نظر آنے کی شہادت موصول ہوتی ہے تو وہ بدھ کو رمضان کا پہلا دن قرار دے سکتی ہے لیکن مذکورہ وجوہات کی بنا پر اس کا امکان بہت کم ہے۔

سنگاپور نے باضابطہ طور پر جمعرات کو رمضان المبارک کے آغاز کی تصدیق کر دی جبکہ جنوبی ایشیا کے ممالک بشمول بھارت اور پاکستان نے جمعرات 19 فروری کو پہلا روزہ رکھنے کی پیش گوئی کی ہے۔ افریقا میں رمضان کا آغاز باقی دنیا کی طرح اسی طرز پر ہوتا ہے، زیادہ تر ممالک اس کے جمعرات، 19 فروری سے شروع ہونے کی توقع رکھتے ہیں۔ آسٹریلوی قومی امامس کونسل نے اعلان کیا ہے کہ رمضان المبارک 19 فروری سے شروع ہوگا۔