رپورٹس کے مطابق موٹر سائیکل، لائٹ وہیکل اور لائٹ آٹومیٹک گاڑیوں کیلئے لرننگ پرمٹ حاصل کرنے کی فیس اب 100 درہم مقرر کی گئی ہے، جبکہ ہیوی گاڑیوں، بسوں اور مکینیکل مشینری کیلئے یہ فیس 200 درہم ہوگی۔

ڈرائیونگ ٹیسٹ سے پہلے ٹریفک ڈیپارٹمنٹ میں فائل کھلوانے پر 200 درہم، سیف ڈرائیونگ گائیڈ کیلئے 50 درہم اور آئی ٹیسٹ کیلئے کم از کم 140 درہم اور زیادہ سے زیادہ 180 درہم وصول کیے جائیں گے۔

علاوہ ازیں ہر درخواست گزار کو 20 درہم کی انوویشن اور نالج فیس بھی ادا کرنا ہوگی۔

یہ بھی پڑھیں:بحرین کا ویزا حاصل کرنے کا طریقہ کیا؟ جانیے

نئے ڈرائیونگ لائسنس کے اجرا کیلئے 21 سال سے کم عمر افراد سے 100 درہم، جبکہ 21 سال یا اس سے زائد عمر کے افراد سے 300 درہم فیس لی جائے گی، جس میں 20 درہم انوویشن چارجز شامل ہیں۔

اگر کوئی شہری اپنے لائسنس کی کیٹیگری مینول سے آٹومیٹک یا آٹومیٹک سے مینول میں تبدیل کرنا چاہے تو اس کیلئے بھی 200 درہم اضافی فیس اور 20 درہم انوویشن چارجز ادا کرنا ہوں گے۔