ان کی فتح ایک جرات مند ترقی پسند ایجنڈے اور بھرپور عوامی حمایت کی بدولت ممکن ہوئی ہے۔

زہران ممدانی یوگنڈا کے شہر کمپالا میں پیدا ہوئے اور سات سال کی عمر میں نیو یارک منتقل ہو گئے۔ وہ مشہور تعلیم دان محمود ممدانی اور فلم ساز میرا نائر کے بیٹے ہیں۔ انہوں نے باؤڈوئن کالج سے افریقانا اسٹڈیز میں ڈگری حاصل کی اور بعد میں ہاؤسنگ کونسلر کے طور پر خدمات انجام دیں، پھر 2020 میں نیو یارک اسٹیٹ اسمبلی کے رکن کے طور پر منتخب ہوئے، جہاں وہ آسٹوریا، کوئنز کی نمائندگی کرتے ہیں۔

ممدانی نے ایک بھرپور عوامی مہم کا آغاز کیا، جس میں 22,000 سے زیادہ رضاکار شریک ہوئے۔ وہ گھر گھر جا کر ووٹرز سے ملے، ان کے منشور میں چھوٹے عطیات، نوجوان، محنت کش طبقہ اور اقلیتوں کی بھرپور حمایت شامل تھی۔ اگرچہ ابتدائی طور پر سروے میں کومو کی برتری تھی، لیکن آخری ہفتوں میں زوہران کی مقبولیت میں نمایاں اضافہ ہوا۔

یاد رہے کہ ان کا غزہ اور اسرائیل میں فلسطینی عوام پر ہونے والی کارروائیوں کے حوالے سے مؤقف نے خاصا دھیان اپنی جانب مبذول کرایا۔ انہوں نے اسرائیلی کارروائی کو "نسل کشی" قرار دیا اور صحافی مہدی حسن کے سوال کا جواب دیتے ہوئے کہا کہ اگر اسرائیلی وزیراعظم نیتن یاہو نیو یارک آئیں گے تو وہ انہیں گرفتار کریں گے، جو ان کے بین الاقوامی قانون اور انسانی حقوق کے لیے عزم کو ظاہر کرتا ہے۔

انہوں نے نیویارک کے لوگوں کے لیے ایک واضح منشور پیش کیا ہے جس میں مفت بس سروس، کرائے پر رکھی گئی رہائشوں پر پابندی، اور پولیس کے بجٹ کو کمیونٹی سروسز کی طرف منتقل کرنے جیسی تجویزیں شامل ہیں۔ وہ سالانہ تقریباً 10 ارب ڈالر جمع کرنے کے لیے ٹیکس کی اصلاحات بھی پیش کر رہے ہیں، تاکہ عوامی خدمات جیسے کہ مفت چائلڈ کیئر، اسکول کے کھانے، اور سوشل ہاؤسنگ کی فراہمی کو یقینی بنایا جا سکے۔

یہ بھی پڑھیں: بیلاروسی شہری کی درندگی، کمسن ایرانی بچے کو زمین پرپٹخ دیا

زہران ممدانی نے نیویارک سٹی کے ڈیموکریٹک میئر پرائمری میں سابق گورنر اینڈریو کومو کو ہرا کر شہر کے پہلے مسلمان میئر بننے کے امکانات بڑھا دیے ہیں۔ انہوں نے ایک جرات مند ترقی پسند ایجنڈا اور وسیع عوامی حمایت کے ساتھ انتخابات میں حصہ لیا۔

33 سالہ زہران ممدانی، جو جنوبی ایشیائی نسل سے ہیں اور ڈیموکریٹک سوشلسٹ ہیں، نیو یارک سٹی کے میئر کے لیے ڈیموکریٹک امیدوار بننے والے ہیں اور توقع ہے کہ وہ شہر کے پہلے مسلمان میئر ہوں گے۔ انہوں نے پارٹی کی پرائمری میں سابق ریپبلکن گورنر اینڈریو کومو کو حیران کن طور پر شکست دی۔

واضح رہے کہ ممدانی کو رینکڈ چوائس پرائمری میں فرسٹ چوائس ووٹوں میں 43.5 فیصد یعنی تقریباً 4,32,000 ووٹ ملے، جبکہ ان کے مخالف کومو کو 36.4 فیصد (تقریباً 3,61,800 ووٹ) نصیب ہوئے۔ سیکنڈ چوائس ووٹوں کی تقسیم کے بعد بھی مامدانی کی برتری برقرار رہی، اور کومو نے ہار قبول کرتے ہوئے انہیں مبارکباد دی۔ حالانکہ کومو کو بڑے نام، پہچان، اور انتخابی اخراجات کا فائدہ ملا، لیکن زہران کی مؤثر عوامی مہم اور کارکنوں کی محنت فیصلہ کن ثابت ہوئی۔

زہران ممدانی کی کامیابی کو نہ صرف امریکہ بلکہ پوری دنیا میں خوش آئند سیاسی تبدیلی کے طور پر دیکھا جا رہا ہے۔ خاص طور پر جنوبی ایشیا، بشمول پاکستان کے سیاستدانوں اور مشہور شخصیات نے انہیں مبارکباد پیش کی ہے۔ امریکہ کے اعلیٰ ڈیموکریٹس نے بھی نہ صرف ان کی فتح بلکہ ان کی محنت کی تعریف کی ہے، جن میں سابق صدر بل کلنٹن اور برنی سینڈرز نمایاں ہیں۔

اب عام انتخابات 4 نومبر کو منعقد ہوں گے، جہاں ممدانی کا مقابلہ ریپبلکن امیدوار کرٹس سلیوا سے ہوگا۔ موجودہ حالات کو سامنے رکھتے ہوئے یہ بہت ممکن لگتا ہے کہ زہران ممدانی ریپبلکن امیدوار کو بڑے فرق سے شکست دے کر نیویارک کے پہلے مسلمان میئر بن جائیں گے۔