تفصیلات کے مطابق سوشل میڈیا پلیٹ فارم ایکس پر اپنے جاری بیان میں جیک برگمین کا کہنا تھا کہ پاکستان کے دورے اور وہاں رہنماؤں سے رابطے کے بعد میں بانی پاکستنا تحریک انصاف (پی ٹی آئی) کی رہائی کا مطالبہ دہرا رہا ہوں۔

انہوں نے مزید کہا کہ پاکستان اور امریکہ کی شراکت داری جمہوریت، انسانی حقوق اور معاشی خوشحالی جیسی مشترکہ اقدار پر قائم ہے، آئیے آزادی اور استحکام کیلئے مل کر کام کرتے ہیں۔

ذہن نشین رہے کہ ری پبلکن پارٹی سے تعلق رکھنے والے جیک برگمین کی جانب سے اپریل کے وسط میں پاکستان کا دورہ کیا گیا تھا،جس دوران سول اور عسکری قیادت سے انہوں نے ملاقاتیں بھی کی تھیں۔

دوسری جانب پاکستان تحریک انصاف (پی ٹی آئی) کے حامیوں نے سوشل میڈیا پر جیک برگمین کے بیان پر تنقید کرتے ہوئے کہا کہ اپنے دورہ میں پاکستانی رہنماؤں سے ملاقاتوں کے دوران انہوں نے عمران خان کی رہائی کا مطالبہ کیوں نہیں کیا۔