پیپلزپارٹی کے رہنما کے گھر ڈکیتی، 75 تولے سونا لوٹ کر فرار
پاکستان پیپلزپارٹی/ فائل فوٹو
February, 24 2025
کراچی: (ویب ڈیسک) کراچی میں پاکستان پیپلزپارٹی کے مقامی رہنما کے گھر ڈکیتی کی واردات ہوگئی جہاں چور 75 تولے سونا، نقدی و قیمتی سامان لوٹ کر فرار ہوگئے۔
تفصیلات کے مطابق کراچی کے علاقے ملیر میمن گوٹھ میں مسلح ڈاکوؤں نے ڈکیتی کی بڑی واردات ڈالتے ہوئے پاکستان پیپلزپارٹی کے مقامی رہنما کے گھر سے اہلِ خانہ کو یرغمال بنا کر 75 تولہ سونا، 25 لاکھ روپے نقد، موبائل فونز اور دیگر قیمتی سامان لوٹ کر رفو چکر ہوگئے۔
ڈکیتی کی یہ واردات پاکستان پیپلز پارٹی کے مقامی رہنما قمر جان بلوچ کے گھر پر ہوئی، جو اس وقت عمرے کی ادائیگی کے لیے مدینہ منورہ میں موجود ہیں۔ اہلِ خانہ کے مطابق ڈاکو بڑی منصوبہ بندی کے ساتھ آئے اور واردات کے دوران پورے گھر کو یرغمال بنالیا۔ پولیس نے مقدمہ درج کر کے تحقیقات کا آغاز کر دیا۔
ضرور پڑھیں
