مالٹے کے رس کا باقاعدہ استعمال انسانی جلد کو نمی مہیا کرتا ہے، مہاسوں کو کم کرتا ہے اور جلد کی جھریوں کے عمل کو سست کرتا ہے، اسی طرح یہ آپ کے بالوں کو نرم، چمکدار اور مضبوط بناتا ہے اور خشکی سے بھی نجات دلاتا ہے۔

جلد کے لیے اورنج جوس کے فوائد:

کیل مہاسوں کو روکنے میں معاون

سنگترے میں موجود سٹرک ایسڈ کیل مہاسوں کو روکنے کے لیے فائدہ مند ہے، یہ جلد کو چکنا ہونے سے روکتا ہے، جلد کو صاف کرتا ہے اور گندگی کو دور کرتا ہے ، یہ کولیجن کی پیداوار کو بڑھاتا ہے، جس سے جلد نرم اور جوان رہتی ہے۔

جلد کو صاف رکھنا

سنگترے میں پائے جانیوالے اینٹی آکسیڈنٹس جلد پر جمع ہونے والے زہریلے مادوں کٓو صاف کرتے ہیں اور جلد کی صحت کو برقرار رکھتے ہیں۔
جلد کی نمی کو برقرار رکھنے میں معاون

مالٹے کا جوس جلد کی نمی کو برقرار رکھنے میں معاون ہے جس سے جلد نرم، چمکدار اور صحت مند دکھائی دیتی ہے ۔

جلد پر اورنج جوس کا استعمال

پہلے اپنی جلد کو صاف کریں، روئی کی مدد سے اورنج جوس لگائیں اور تقریباً 10 منٹ کے لیے چھوڑ دیں، پھر پانی سے دھو لیں۔

اورنج جوس آئس کیوبز

اورنج جوس کو آئس ٹرے میں ڈال کر جمنے دیں اور اس کے بعد آئس کیوبز کی مدد سے جلد پر مساج کریں،پانچ سے سات منٹ کے بعد چہرے کو دھو لیں،سنگترے کا رس لگانے کے بعد فوراً صابن یا فیس واش استعمال نہ کریں اور سورج کی روشنی سے بچیں۔

بالوں کے لیے اورنج جوس کے فوائد:

سنگترے میں موجود وٹامن ای اور اینٹی آکسیڈنٹس آپ کے بالوں کو نرم اور صحت مند رہنے میں مدد دیتے ہیں، سنگترے کا رس خشکی کے مسئلے کو دور کرتا ہے، بالوں کی نشوونما میں فائدہ مند ثابت ہوتا ہے۔

سر کا مساج

اورنج جوس اور زیتون کا تیل ملا کر سر پر لگائیں،کچھ دیر مساج کریں، پھر 5-10 منٹ کے لیے چھوڑ دیں اور پانی سے صاف کریں ۔

اورنج جوس اور پانی کا مکسچر بنا کر بالوں پر لگائیں،سر کی مالش کریں اور 5 منٹ بعد پانی سے دھو لیں۔