بین الاقوامی خبر رساں ادارے کے مطابق ماریشس کے سابق وزیراعظم پر منی لانڈرنگ کے الزامات تھے، جس کے باعث انہیں حراست میں لیا گیا ہے۔

واضح رہے کہ ماریشس کے سرکاری مالیاتی جرائم کے حوالے سے تحقیقات کرنے والے کمیشن ایف سی سی کی جانب سے پراوِند جگناتھ کو حراست میں لینے کی تصدیق بھی کر دی گئی ہے۔

ایف سی سی کے ترجمان نے بات چیت کرتے ہوئے کہا کہ سابق وزیراعظم زیرِ حراست ہیں اور انہیں وسطی ماریشن کی ایک حراستی مرکز میں رکھا جائے گا۔

ایف سی سی کی جانب سے جاری کردہ رپورٹس کے مطابق سابق وزیراعظم کو اس وقت حراست میں لیا گیا جب ادارے کے حکام نے پراوِند جگناتھ کی رہائشگاہ سمیت مختلف مقامات پر چھاپے مارے اور وہاں سے تقریباً 24 لاکھ ڈالرز برآمد کیے گئے۔

دوسری جانب پراوِند جگناتھ کے وکیل کا کہنا ہے کہ سابق وزیراعظم کو ایک منی لانڈرنگ کے کیس میں منی لانڈرنگ کے الزامات عائد کرکے حراست میں لیا گیا ہے۔

وکیل کے مطابق سابق وزیراعظم کی جانب سے منی لانڈرنگ کے الزامات کو مسترد کر دیا ہے۔

خیال رہے کہ پراوِند جگناتھ ماریشس کی سابقہ حکومت کے دوسرے اعلیٰ ترین عہدیدار ہیں جن کو نئی حکومت کی جانب سے حراست میں لیا گیا ہے۔

ذہن نشین رہے کہ اس سے قبل بینک آف ماریشس کے گورنر Harvesh Seegolam کو بھی جنوری 2025 میں گرفتار کیا گیا تھا،تاہم بعد ازاں انہیں ضمانت پر رہا کر دیا گیا۔